Bötendönya tatar qorıltayı

3nçe-6nçı avgust könnärendä Tatarstan başqalası Qazanda Bötendönya tatar kongressınıñ 6nçı qorıltayı uzdı. Törki tatar dönyasınnan wäkillär cıyılğan xalıqara cıyında Tatarstan häm Rusiyä Federaśiyäsennän çittä yäşäwçe millättäşlärebez, şul isäptän Törkiyädän dä ildäşlärebez qatnaştı.

Tatarstan ilbaşı Röstäm Miñnexanov Qorıltayda yasağan çığışında dönya buylap sibelgän millättäşlärebezneñ cämğiyätläre, şul isäptän Törkiyädäge tatar cämğiyätlärenä dä tuqtalıp uzdı.

Bötendönya tatar kongressı başqarma komitetı räise Rinat Zakirov yäş’lärneñ milli üzañğa iyä buluınıñ möhimlegenä basım yasadı.

Qorıltayda qatnaşqan Törkiyä delegatlarınıñ fikerlären kiläse tapşırularıbızda citkererbez.

Bügenge yazmabızda Bötendönya tatar kongressı qarşındağı “Dön’ya” studiyäsenä äñgämä birgän Bötendönya tatar kongressınıñ 6nçı qorıltayı delegatı, Törkiyäneñ İstanbul qalasında êşçänlek alıp baruçı “İdel-Ural” cämğiyäte başlığı urınbasarı Yaqup Aqçura uy-fikerläre belän urtaqlaştı.

Tatarstan başqalası Qazanda uzğan Bötendönya tatar kongressınıñ 6nçı qorıltayında qatnaşqan Çuvaşstan tatarlarınıñ milli mädäni şurası räise Färit Ğibatdinov Bötendönya tatar kongressı qarşındağı “Dön’ya” studiyäse aşa üz fikerlären citkerde.

Äñgämälärne TAWIŞ uynatqıçınnan tıñlıy alasız.