Nogayça 113: Hazret-i Paygambar’dıñ (as) bereket mucizeleri (1)

Paygambar’dan (as) bizge yetken      

Hadislerde aytılgan

Bereket baresinde    

Bazı mucizelerden     

Birinşi bir misal:

Nav aytılıyaq mucizedi,     

Basta  Buhari, Müslim,

Degen meşhur alimler;    

Em basqa tanıngan, 

Tuvra hadis kitapları,

Barabar qabar bergen:

Hazreti Paygambar’dın (as)      

Zeynap anamız toyında

Paygambar’ga aleyhisselam     

Qızmat qılgan Enes’tiñ (ra)

Anası Ümmi Süleym,

Allah razı bolsun  ondan

Bîr eki uvus hurmadı,

Mayda kavurgan soñ onı, 

Bîr kişkey qapqa quyup 

Ulı Hazreti Enes’pen

Paygampar’ga  (as) yibergen...   

Paygambar ol zaman, (as)

Hazreti Enes’ke (ra)        

Navı kepte buyurgan:

 “Medine’de yaşagan     

Nav ademdi, em nav ademdi,

Bîr de kimge yolıqsan     

Baresini bizge şaqır!

Enes  de (ra) kimdi körse,    

Baresini şaqırgan...   

Üş yüzgeşe sahabe,

Kelip “Suffe” degen yerdi,     

Em Paygambar’dıñ (as) üyini,

Är yaqlardı tolturgan.    

Paygambar(as) qonaqlarga,    

“Onar onar halka bolup

Oturunuz!” dep buyurgan.       

Soñda mübarek qolını,

Ol azaqay as üstine        

Salaberip duva qılgan...

Artından qonaqlarga,     

“Aşanız!” dep buyur etken...

Barı sosı üşyüz adem, 

So az astan aşagan...

Baresi aşagan soñ    

Paygambar aleyhisselam

Enes’ke radıyallahü anh

“Endi sıpradı cıyıp 

Köter!” dep emir qılgan.

Enes (ra) tagı ol zaman:     

“Sosı astı salganda ma,

Ya kötergen vakıtpa     

Köp ekenin bilmedim!”

Degen sözini aytqan...    

Ene sosı yerde eske,     

Bîr sorav keliyek bolsa,

 “Nav aytılgan mucizediñ  

Tuvralıgın qaydan bilsek...

Belki uydurulgan bolsa?”      

Degen şüpheli soravga,

Alimler kengeytip em        

Yahşı yavap bergenler...

Habarlasuv sozılmasın  

Degen bîr maqsatpan 

Burungıda aytılgan

Yavaptan bîr kesekti       

Aytuvdıñ ornı kelgen:

“Nav aytılgan mucizeler,  

Paygambar’dıñ bîr neşe (as),

Körsetken mucizelerinden    

Eñ abıraylısı bolganlar... 

Qaytip boladı desek; 

Bek köp sahabe betten,   

Berkitilip bizgeşe,     

Äş avıspay kelgen.

Sahabedey tuvra sözli,

Em tuvralıqpan abıraylı

Mübarek bîr yamagat,  

Bîr zattı qabar berse,    

Sonıñ tuvralıgında          

Äş bîr şüphe bolmagan...    

Sahabedey yamagattıñ

Bergen qabarına tagı,

Tup tuvra bolgan üşün,

Din ilminde mütevatir, 

Degen bîr at berilgen.  

Ene sosı  mucizeler, 

Mütevatir bolaberip 

Ta bizgeşe kelgenler...

Sahabediñ üykenleri, 

Eñ abıraylı alimleri,

Qaş yollarman aytaberip

Özlerinden soñda kelgen,  

Tabiin dep bilingen 

Mübarek ademlerge,

Äş avıspay bildirgenler... 

Tabiin’diñ tagı em 

Yüzlerşe alimleri, 

Arttan kelgen insanlarga, 

Tap aqıyki mütevatir 

Sosı mucizelerdi, 

Barege em bildirgenler...

Soñda Buhariem Müslim

Degen köp abıraylı 

Sıylı hadis alimleri

Em, basqa tanıngan     

Tuvra Hadis kitapları,

Paygambar’dıñ (as) sözlerini,     

“Anane” degen yolman

Hadislerdiñ ta bastan   

Kelgen yollarını aytıp   

Aytqanlardıñ atlarını,  

Är bîrevini bîr bîr yazıp    

Arttaqı zamanlarga,

Ta bizgeşe yetkergenler...”

Ene sosı sebepten 

Ta o zamandan sozulup   

Nav vaqıtqa yetken

Paygambar’dıñ (as) mucizelerini,     

“Qaytip bilsek sosınlar, 

Qarıspay bizge kelgen?”     

Degen bîr söz hatirge

Kelse tuvra bolmagan...

Keliyek yuma inşallah  

Bereket baresinde 

Basqa mucizelerdi em

Aytuvdı nasip qılsın    

Kuday’ımız Hak Rahman!

 Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com