İstanbulda yäş’lär festivale häm êtnosport mädäniyat festivale ütkärelä

Urta Aziya illäre häm Yaponiya dialogında qatnaşqan illär tışqı êşlär ministrlarınıň 6 nçı cıyılışı

Törekmänstan başqalası Aşxabadta  Urta Aziya illäre häm Yaponiya dialogında qatnaşqan illär tışqı êşlär ministrlarınıň 6 nçı cıyılışı uzdı. Cıyılışta Törekmänstan tışqı êşlär ministrı Raşit Märädov,Yaponiya tışqı êşlär ministrı Fumio Kishida,Tacikstan tışqı êşlär ministrı Sirojidin Aslov, Qırğızstan tışqı êşlär ministrı Ärlan Abduldayev,Qazaqstan tışqı êşlär ministrı Kayrat Abdurrahmanov  häm Üzbäkstan tışqı êşlär ministrı Abdülaziz Kamilov qatnaştı.

Cıyılıştan soň yasalğan urtaq belderüdä regional’ iminlek, säwdä häm iqtisadi investiŝiyälär ,humanitar häm mädäni mönäsäbätlär ,tabiği afätlär häm êkologiya mäs’äläläre xaqında fiker alışu, şulay uq xezmättäşlekne arttıru täq’dimnäreneň bäxäläläşelüe belderelde. Qatnaşuçı illärneň xezmättäşlegen tiränäytü maqsatı belän Transport häm logistik regional’ ğamäl planı qabul itelde.

Tışqı êşlär ministrlarınıň urtaq açıqlawında Dialog törkeme xezmättäşlegeneň barlıq qatnaşuçı illärneň mänfäğät’lären istä totıp uňay däwam itüenä basım yasaldı. Belderüdä 2017-2018 nçe yıllar däwerendä êşçänleklärne Tacikstannıň çirattağı räislegendä alıp baru häm 2018 nçe yılda tışqı êşlär ministrlarınıň 7 nçe cıyılışın Tacikstanda ütkärü qararına kilenüe citkerelde.  

2004 nçe yılda regional’ xezmättäşlekne üsterüne täşwiq itü maqsatı belän Yaponiya qorğan Urta Aziya + Yaponiya dialogı êşçänlekläre  2015 nçe yıldan birle Törekmänstan räislegendä däwam itä  ide.

Qazaqstan – Üzbäkstan mönäsäbätlärendä alğarış küzätelä

Qazaqstan – Üzbäkstan mönäsäbätlärendä alğarış küzätelä. Sonğı däwerdä ike il arasında barlıqqa kilgän uňay säyäsi täräqqiyät’lär iq’tisadta da täêsirlären kürsätä başlağan.

Üzbäkstan ilbaşı Şäwkät Mirziyayevnıň Astana säfärendä kileşülär täêmin itelgännän  soň ike il arasında säwdä küläme 37%qa artqan.

Qazaqstan ilbaşı Nursoltan Nazarbayev Üzbäkstan ilbaşı Şäwkät Mirziyayev belän Çimkänttä küreşep söyläşkän.

İlbaşı idaräseneň matbuğat üzäge beldergänçä, ike däwlät başlığınıň söyläşü kön tärtibendä iqtisadi mönäsäbätlär urın alğan.

Mirziyayevnıň mart ayında Astanağa säfärennän soň ike il arasında xezmättäşlekneň canlanuın beldergän Nursoltan Nazarbayev 2017 nçe yılda ike il arasında transport, logistik,avtomobil’ industriyäse häm regional’ xezmättäşlektä alğarış täêmin itelüenä basım yasağan.

Nazarbayev ”Ağımdağı yılnıň berençe çiregendä säwdä küläme 37%qa arttı” digän.

İstanbulnıň Yänikapı bistäsendä İstanbul yäş’lär festivale häm Êtnosport mädäniyat festivale ütkärelä

İstanbulnıň Yänikapı bistäsendä 4-7 nçe may könnärendä İstanbul yäşlär festivale häm 11-14 nçe mayda Êtnosport mädäniyat festivale ütkärelä.Älege çaralarnı tanıtu cıyılışı uzdı. Matbuğat oçraşuında yäş’lär häm sport ministrı Akif Çağatay Kılıç,Bötendönya êtnosport konfederaŝiyäse ğomum başlığı Bilal Ärdoğan ,İstanbul şähär xakimiyäte başlıq wäkile Göksäl Gümüşdağ häm Törkiyä säyäxät agentlıqları berlege başlığı Başaran Ulusoy qatnaştı.

Biredä çığış yasawçı yäş’lär häm sport ministrı Akif Çağatay Kılıç Bötendönya êtnosport konfederaŝiyäse ğomum başlığı Bilal Ärdoğannıň zur tırışlıqları belän tradiŝion sport törläreneň qabat qaytarıla başlawın belderde häm süzen tübändägeçä däwam itterde:”Törkiyä –tarixı, ŝivilizaŝiyäse  häm mädäni strukturası belän dönyanıň bik üzençälekle ber ile. Tarixtan kilgän bu köçne kiläçäkkä citkerü – töp burıçıbız. Bügenge köndä dönya ŝivilizaŝiyäse qullanğan şaqtıy içat törki häm İslam geografiyäsennän kilde. Ütkänebez ,tarixıbız belän maqtanğanda kiläçäktä nilär êşläw kiräklegen dä  yaxşı belergä tiyeşbez. Êtnosport mädäniyat festivaleneň yäş’lärebezneň bu cirlärneň qimmätläre belän oçraşuı häm anıň ğaziz xatiräsen saqlap qalu öçen forsat buluı turında uylıym”.

Äle çaralarnıň may ayında uzuına iğ’tibarnı yünältkän yäş’lär häm sport ministrı Akif Çağatay Kılıç maynıň tarixi häm mädäni qimmätlär cähätennän möhim ay buluın citkerde. Ministr bu xaqta bolay dip citkerde:” İstanbulnıň ciňep alınuı häm Ğazi Mostafa Kämal Atatörekneň Samsunnan yulğa çığıp 1919 nçı yılnıň 19 nçı mayında azatlıq köräşen başlatuı bu ayda tormışqa aştı. Dönyada sezneň süzegezne işetülären, sezne tıňlawların telisez ikän ŝivilizaŝiyägezdän alğan köçne çağıldıru bik möhim. İlbaşı Räcäp Tayyip Ärdoğannıň iň möhim üzençälege bu. Berläşkän Millätlär Oyışmasında “Dönya 5 tän zurraq” dip äytä alasız ikän xalqığızğa häm sivilizaŝiyägezgä ışanudır bu. İlbaşı häm törek xalqı 15 nçe iyül’dä tormışıbıznı qaraltırğa telägän terrorçılarğa qarşı da nıqlıq kürsätte. Cömhüriyät tözelüneň 100 yıllığında , yäğni 2023 nçe yılda tağın da zur külämle çaralar oyıştırırbız dip ışanıp qalam”.

Törekmanstanda tämäke tartuğa qarşı köräş

Möxtäräm tıňlawçılar, bügenge tapşırubıznıň soňğı xäbäre Törekmänstan belän bäyle. Törekmänstanda tämäke tartuğa qarşı köräş  qısasında yaňa êşçänlek başlatılğan. Maqsat – sälamät yäşäw öçen 2025 nçe yılda tötensez Törekmänstan.

İldä bäyläneşle ministrlıqlar, vilayät’ idäräse wäkilläre, yäş’lär häm küp sanda çaqırılğan keşe qatnaşında “1 ay tämäkegä qarşı köräş” isemle kampaniya uzğan. Aşxabadta ütkärelgän kampaniyanıň maqsatı - 1 ay däwamında tämäkäneň zararların cämğiyät’kä aňlatuçı çaralar oyıştıru. Kampaniyanı tanıtu öçen ütkärelgän tantanalarda yasalğan çığışlarda Törekmänstannıň tämäkegä qarş köräştä ireşkän uňışları aňlatılğan. İldä tötensez  mäydannarnıň kiňäytelüe belderelgän.

Törekmänstanda 2000 nçe yıldan birle xalıqqa açıq mäydannarda tämäka tartu tıyılğan.Bötendönya sälamätlek saqlaw oyışmasınıň töten kontrole qısa kileşüe 2011 nçe yılda  Törekmänstan parlamentı tarafınnan raslanğan. 2013 nçe yılda  ildä watandaşlarnı tämäkeneň zararlarınnan saqlaw qanunı qabul itelgän. Ağımdağı yılnıň 14 nçe aprelendäge ministrlar şurasında  Bötendönya sälamätlek saqlaw oyışmasınıň 2017-2021 nçe yıllarda tämäkegä qarşı köräş konvenŝiyäsen ğamälgä aşıru maqsatı belän äzerlängän milli programmanı däwlät başlığı raslağan. Aşxabatta uzaçaq “1 ay tämäkegä qarşı köräş” êşçänlege ministrlar şurasında qabul itelgän milli ğamäl planınıň ber öleşe bulıp tora.