Nogayça 98: Er kün er kün namaz köp tuvılma? (2)

Bîr alimdiñ nepsine     

Namaz üşün aytqanına;

Ötken yumadan qalgan   

Manelerdi aytpaga,

Bu yuma tagı em,      

Devam qılamız inşallah:

“Ey sarsem nepsim menim!  

Acaba nav ibadet, 

Qullıq vazipeñ namaz   

Soñı yaravuşsız bolup

Ücreti az bolgan ma?

Yoqsa seniñ osanganın    

Nav sebeppe acaba?

Tek, istiñ tuvrasına  

Qarasan ey nepis, 

Bîr adamdıñ bîrevi, 

Saga bîr qaş aqşa berse,       

Yade seni qorqustsa,

Aqsamgaşe tagı em       

Qullıq ettirer saga!

Sen de eş toqtamay        

İslep turursın oga...

Ey nepis arüv oyla!  

Acaba aslı qonaq  

Yeri bolgan nav dünyada,

Aciz, yarlı qalbine,      

Quvvat bolgan em baylıq;

Em barıyagın bîr menzil,     

Qabrinde gıda, yarıq;

Em mahkemen mahşerde,  

Saga sanet em berat;

Tagı ister istemez    

Üstinden ötiyegiñ 

Mecbur köpir sıratta,

Saga nur em buraq 

Bolıyaq sosı namaz,

Az ücretpe acaba?

Ey nepis bîr adem    

Yüz liralıq bîr ediya,     

Vade berse saga,

Sen belkim yüz künşe      

Qullıq etersin oga...

Em soñda ol adem,  

Belki sözinden cayıp 

Ücretiñdi bermes saga...

Nav tavlükemen barabar       

Ol ademge senip sen

Tembellik etmey em               

Qullıq etersin oga!

Ey nepis endi oyla!   

Acaba söz cayganı 

Asla imkan bolmagan

Hak Rabbımız Allah,  

Abedi şatlık bolgan 

Cennet’tey bir ücretti

Beremen dep söz berse,     

Bek az bîr vaqıtta  

Bek yahşı bîr vazipemen      

Yani qılgan namazınman

Qızmet ettirse saga,  

Sen qızmattı etpeseñ,     

Ya köñülsiz etip sonı

Zorsunup em usanıp     

Yarım yamalaq qılsan;

O zaman nav noqsan     

Qılgan namazınman sen,

Hak’tı bergen sözinden    

Cayuvşıday körseñ;

Em bizge beriyegi   

Ediyalardı Rab’dıñ, 

Yengil körgendey bolsañ,

Köp şiddetli bîr azaptı, 

Hak etiyegindi soñında,

Äş sen oylamaysın ma?

Nav dünyadın hapisinden  

Qorqqanıñ üşün sen   

Eñ avır islerde,

Tembellik etpey em    

Köp qızmatlar etersin...

Yahannem’dey abedi,    

Bîr apistiñ qorqustqanı,

Namazday bîr qullıqtı,    

Em yengil, em yahşı, 

Bîr qızmattı etpege       

Saga gayrat bermey me?”

Nav alimdiñ aytqanına

Keliyek yuma tagı em

Devam etiyek inşallah

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com