Nogayça 93: Kuday’ga aşılgan terezeler! (1)
Bu yuma “KUDAY’GA AŞILGAN TEREZELER!” baresinde habarlasamız!
Käinattı yaratqan,
Bîr bolgan Hak Allah,
Är bîr zattan özine,
Bar bolganın, bîr bolganın
Bildirsin dep maqluqta,
Bîr köp tereze aşqan...
Sosı terezelerden
Bazıları nav bolgan:
Közümüzben körgenimiz,
Är bîr zat kim bolsa,
Baresiniñ türlü türlü
Özlerine köp kerekli,
Muqtaj bolgan acatı bar...
Tagı em şeşit şeşit
Tilegen zatı bar.
Sosı barı acatı,
Em tilegen är zatı,
Ummagan em bilmegen
Em de qolı yetpegen
Orınlardan özine,
Em de tiyisli bolup
Tam münasip vaqıtta,
İmdadına yetişken...
Tek, oylasaq barabar
Sosı soñsız tilektiñ
Muqtaj bolgan kerektiñ
En kişkeyini almaga,
So muqtajlardıñ küşleri,
Äş bîrevine yetpegendey
Qolı tagı sozılmagan...
Men özüme qarasam,
Em tısımda em işimde
Bolgan neşe müşege,
Em de sansız duyguga;
Är bîrevine muqtajban...
Sosınlarman barabar,
Är müşemen duygudıñ
Ayrı ayrı är bîreviniñ
Baresine kerekken
Qolumdıñ yetpegeni,
Neşe zatqa muqtajpan...
Endi muqtaj bolganım
Bazı zatlardı añsam,
Är yaqlardı tolturgan:
Mine kün töbemizge,
Tap ornına salıngan...
Ava, su, ötbökke,
Basqa neşe nimetke,
Dayim muqtaj bolganman:
Em de sosı nimetten
Yalgız bîrev bolmasa
Barı yaşav toqtagan...
Yogardaqı sanılgan
Är bîr nimet bîr basına
Özleri bîr mucize...
Tagı maga yetkeni,
Ayrı mucize bolgan:
Ava, kökke uşup ketpey
Ta burnumdıñ tübine,
Kelip meni solıtqan...
Suvımız yer astından;
Bulaqlardan, buñarlardan
Yoşup qaynagan, aqqan...
Avvel yamgur bolup sosı,
Kökten üstime tüsken...
Aşaganım ne bolsa,
Sosınlardıñ baresi,
Türlü türlü nimet bolup
Baresi de topraqtan,
Men aşasam dep şıqqan...
Sosı nimetlerdi em,
Men yengilce alsam dep
Neşe kerek qollarım,
Tap tiyisli bolup em
Nav kevdeme tagılgan...
Közüm yahşı kepte em
Betime tap tiyisli,
Yahşı yerge salıngan...
Basqa nimetlerdi em
Sanmaga gayrat qılsam,
İmkän yoq sanılmagan...
Endi özümmen barabar
Sansız yan tasıgan
Aynı mendey, är zatqa
Muqtaj bolgan yanvardı,
Özüm yanıma qossam,
Soñda köringen aldi
Esleyberip oylasam,
Qaydey yahşı aqıyqat,
Qalbimizge aşılgan:
Ene sosı nimetler;
Är bîrevi ayrı ayrı,
So nimetlerdi maga,
Maramatıman bergen,
Bar bolganı haq bolup
Tagı kerekli bolgan
Bîr Rab’qa şayit bolgan...
Em de baresi bîrden
Kündiñ savlesi kündi
Körsetkendey aynı,
Barı aller, barı isler,
Gayb perdesi artında,
Yaratuvşı Allah’tı,
Maramatlı bîr Haq’tı;
Yömartşa tedbir etken
Neşe qasiyetli bîr Rab’tı,
Eslilerge körsetken...
Allah yoq dese insan,
Munşa nimet, mucizedi,
Kim etip kim beriyek?
Sangır tabiat, kör kuvvatpa,
Ya sarsem tesadüppe?
Ya de aciz em yansız,
Aklı pikri bolmagan
Sebebler me etiyek?..
Kim inkar etse Hak’tı,
Ya cahilikpen yade
Künalerde buğulup
Gapletpen inkar etken...
Esi basında yoqtay
Bos bosuna inat etken...
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com