Törkiyä - Azärbaycan diplomatik mönäsäbätlärenä 25 yıl

Törkiyä häm Azärbaycan arasındağı diplomatik mönäsäbätlär 25 yıllığın tamamladı

Törkiyä 1991nçe yılnıñ 30nçı avgust könne bäysezlegen iğlan itkän Azärbaycan Cömhüriyäten 1991nçe yılnıñ 9nçı noyabr’ könne tanığan berençe däwlät bula. Diplomatik mönäsäbätlär 1992nçe yılnıñ 14nçe ğinwar könne qorıla häm Baqıda konsullık bularaq wazifa başqarğan wäkillek tulı wäqalätle ilçelek däräcäsenä kütärelä. Azärbaycanda ayıruça Nahçivan häm Gäncä şähärendäge konsullıklar da xezmät kürsätä. Azärbaycannıñ isä Änkaradağı tulı wäqalätle ilçelege belän ber rättän İstanbul häm Karsta da konsullıkları bar.

Törkiyäneñ Azärbaycan belän mönäsäbätläre küp ülçämle häm strategik däräcädäder. Tığız räweştä däwam itüçe ike yaqlı yuğarı däracäle säfärlär mönäsäbätlär arasındağı iñ möhim êtärgeç köç bulıp tora. İke il däwlät räsmi zatlarınıñ wazifağa kilgännän soñ yäisä simvolik ähämiyäte bulğan täraqqıyätlärdän soñ ikençe ilgä östenlekle bularaq säfär yasawları kebek tradiśiya barlıqqa kilde.

Azärbaycan däwlät başlığı İlham Aliyev Törkiyä häm Azärbaycan arasında diplomatik mönäsäbätlär qorıluınıñ 25 yıllığı uñayınnan Törkiyä ilbaşı Räcäp Tayyip Ärdoğanğa qotlaw yullaması cibärde.

Däwlät başlığı Aliyev yullamasında tübändägeçä citkergän: “1992nçe yılnıñ 14nçe ğinwar - Azärbaycan häm Törkiyä arasında diplomatik mönäsäbätlär qorılğan köne. Bu möhim waqiğa uñayınnan Sezne qotlıym, dus häm qardäş törek xalqına iñ izge teläkläremne belderäm.

         Bäysez Azärbaycan tarihında qardäş Törkiyä diplomatik mönäsäbätlär qorılğan berençe däwlätter. Xalıqlarıbız häm illärebez arasında mönäsäbätlär tirän tarixi ütkängä barıp totaşa. Uzğan yıllar êçendä “ber millät – ike däwlät” nigeze dönyada tiñe bulmağan Azärbaycan-Törkiyä mönäsäbätläreneñ barlıq ölkälären üz êçenä aldı.

Duslıq häm qardäşlekkä qorılğan mönäsäbätlärebez bügenge köndä urtaq tırışlıqlarıbız belän strategik partnerlık däräcäsenä kütärelde. Azärbaycan-Törkiyä partnerlığı xalıqlarıbıznıñ mullığı, illärebezneñ qalqınuı, töbäktäge xozuq häm totrıqlılıqnıñ urnaştırıluına öleş kertä. Törkiyä-Azärbaycan berlek häm yärdämläşüeneñ monnan soñ da xalıqlarıbıznıñ mänfäğate öçen nığıyaçağına häm kiñäyäçägenä ışanam.”

Törekmänstanda investiśiyalär 2017nçe yılda da däwam itäçäk

2016nçı yılda investiśiya byudjetınıñ möhim öleşen Aşxabadta tözelgän Olimpiada qorılmaları öçen bülep quyğan Törekmänstan 2017nçe yılda 873 yaña qorılmanı yasatırğa planlıy.

          Sentyabr’ ayında uzaçaq 5nçe Aziya Olimpiadaları öçen Aşxabadta äzerlängän älege Olimpiada qorılmalarınıñ tözeleşen törek podryadçik şirkätläre üz östenä aldı häm uñışlı räweştä tämamlandı.

Törekmänstannıñ 2017nçe yılğı byudjetınnan da tözeleş tarmağı investiśiyaläre öçen 42 milliard 700 million manat bülep quyılğan. İnvestiśiya byudjetınıñ 34 miilliard 900 million manatı citeşterü maqsatı belşän qorılmalar, 7 milliard 800 million manatı isä sośial’ maqsat belän qorılmalarnıñ tözeleşe öçen sarıf iteläçäk.

Üzbäkstanda mäşhür Aq Saraynıñ İslam Kärimovnıñ muzeyı bularaq xezmät kürsätüe kötelä

Üzbäkstannıñ berençe däwlät başlığı İslam Kärimov öçen xätirä muzeyı Taşkenttağı Aq sarayda tözelä.

Bu mäs’älä belän bäyle bularaq Facebooktağı “Deti Karimova” törkeme xäbär itä.

Muzeynıñ açılış tantanası isä İslam Kärimovnıñ tuğan könendä 30nçı ğinwar könne oyıştırılaçaq.

Alınğan mäğlümatqa kürä Sarayda soñğı könnärdä tığız tözekländerü êşçänlekläre alıp barıla.

Aq saraynı muzeyğa äyländerü xäbäre uzğan ayda da matbuğatta urın alğan ide.

Üzbäkstannıñ yaña däwlät başlığı Şäwkät Mirziyoyev isä Bäysezlek mäydanındağı Senatnıñ ikençe qatında könlek êşçänleklären alıp bara, şul uq waqıtta çit il qunaqların da bu urında qabul itä.

2 yıl êçendä yaña ilbaşı öçen yaña saraynıñ tözeläçäge belderelde. Läkin saraynıñ qayda urın alaçağı älegä bilgesez.

Aq Saray 2004nçe yıldan birle märxüm İslam Kärimovnıñ êş ofisı bularaq qullanıla ide. Kärimov Aq Sarayda çit il qunaqların qabul itä ide.

Qazaqstan 28nçe Universiada qış uyınnarına äzerlänä

2017 Universiada qış uyınnarı 29nçı ğinwar – 8nçe fevral’ könnärendä Qazaqstannıñ mädäniyät başqalası Almatı şähärendä oyıştırılaçaq. Universiadada bıyıl timerayaq, çañğı, xokkey kebek 12 sport törendä bäygelär uzaçaq.

Äzerlekläre soñğı êtapka citkän Universiadanıñ räsmi bilet ofisı da açıldı. Räsmi bilet ofisınıñ açılışında Qazaqstan sportçıları, Universiada qış uyınnarı ilçeläre, sänğatçelär, tanılğan jurnalistlar häm bloggerlar qatnaştı.

2017 Universiada qış uyınnarı bilet ofisınıñ üzençälege monda matdi xäle naçar bulğan watandaşlarğa biletlarnıñ satıluı. Mäsälän, ğazıylar, ğariplär häm studentlarğa taşlamalı biletlar satılaçaq. Xäzerge waqıtta Universiada qış uyınnarınıñ barlıq bäygelärenä biletlar satıla başladı. Almatı şähäreneñ 8 urınında uzaçaq 117 bäyge öçen biletlar internettan online da alına ala.

Qazaqstanda Universiada qış uyınnarınıñ fakelın taşuçılar da bilgelände. Monıñ öçen sport, belem, mädäniyät ölkäläre aldınğılarınnan meñ keşe saylandı. Almatı şähärendä isä fakel törkeme 100 keşedän toraçaq. Qazaq Milli Universitetı studentı, Rio 2016da yözü buyınça Qazaqstanğa berençe altın medal’ qazandırğan Olimpiada çempionı Dmitriy Balandin isä uyınnarnıñ räsmi ilçese bularaq saylandı.

Qazaqstannıñ êlekke başqalası bulğan Almatı şähärendä Universiada qış uyınnarında mädäniyät çaraları da planlana. 20nçe ğinwardan alıp Almatı teatrları, konśert zalları, muzeylar häm kitapxanälärdä bar dönyağa tanılğan spektakl’lär, konsertlar, törle kürgäzmä häm cıyılışlar oyıştırılaçaq.

1957nçe yıldan birle xalıqara däräcädä oyıştırıluçı iñ zur sport çaraları arasında sanaluçı Universiada qış uyınnarına Qazaqstan berençe tapqır 1993nçe yılda quşıldı.

Bäysez däwlätlär berlege illäre êçendä Universiada qış uyınnarın üz cirlärendä oyıştırğan berençe il bulğan Qazaqstanğa 50 ildän 2 meñ sportçınıñ kilüe kötelä.

Xalıqara bäyge turıdan-turı 80 ildä 1 milliard tamaşaçığa kürsäteläçäk.