Nogayça 87: Qabıl bolgan bır basqa duva (3)
Bu yuma em “QABIL BOLGAN BIR BASQA DUVA” baresinde habarlasamız...
Eyyübaleyhisselamdıñ,
Duvasından bizlerge
Berilgen derslerden
Bîrevi de nav bolgan:
Asıl musibet eñ zararlı,
Dinge kelgeni bolgan!
Dini musibetten är dayim,
Ol İlahidergahtıñ
Aldına bas salıp
Em de yürekten şıgıp
Kuday qorşalavı üşün
Yalbargan kerek bolgan...
Bîr ademdiñ din yaşavına
Kelmegen bîr musibet,
Akiyqat noqtasında
Musibet de bolmagan...
Allah’tan, basqa kelgen
Musibettiñ bîr kesegi,
Bîr maqsadı nav bolgan:
Allah betten so ademge,
Mümin ders alsın dep kelip
Yolını tüzeltpege
Qayırlı bîr sebep bolgan...
Nav misalde bolganday
Bazı vaqıt bîr şoban
Baskalardıñ tarlasına
Kirgen bazı qoylarına
Erekten bîr tas atqan...
Qoylar sosı taspınan,
Zarar isten qurtulmaga
Şoban betten özlerine
Emir bolganın añlap
So tarlaga zarar bermey
Şoban emrine uyup
Atta mamnün bolaberip
Barı, tarladan şıqqan...
Nav misalde aytılganday,
Tıstan qaransa musibet,
Bizlerge zarar bolgan...
Akiyqatqa qarasaq,
Müslimanga Allah’tan
Tuvra yolga kirmege
Uyaruvşı sebep bolgan...
Basqa kelgen musibette,
Bîr hikmet te nav bolgan:
Künalardi keşirip
Allah sosı mümindi,
Künalerden tazalagan...
Musibettiñ bîr kesegi
Müminlerdiñ basındaqı
Gapletlerdi dagıtıp
Barı insanda bolgan
Acizlik em zayıplıqtı
Özlerine bildirgen...
Acizlik em zayıplıqman
Quday’ga qaytsa insan,
Huzurga sebep bolgan...
Basqa kelgen musibetler,
Maraz kebinde bolsa
So musibet aslında
Quday’dan är müminge
Tap bîr iltifat bolgan...
Yani manevi betten,
Qulga temizlik bolgan.
So barede bîr hadisting
Manesi em dep bolgan:
“Meyvaları erigen
Bîr terek silkelense
Meyva yerge tögülgendey
Bezek tutsa bîr adem,
Titrep silkingen zaman,
Künalerden qurtulgan.”
Biz de Eyyüb Paygambar’dıng (as)
Duvasıman yalbarsaq,
Eng avvel Quday’ga,
Künalerdi keşirsin,
Manevi yaralardı,
İygi etsin Allah dep
Niyet etsek yahşı bolgan...
Maddi maraz kelse basqa,
Qullıqqa zarar berip
Tagat qılalmasa insan,
Sosı zaman duvası,
Kuday’ga yahşı kelgen...
Tagı itiraz etpey
Em şiqayet bolmadan
Yalbargan kerek bolgan...
Madem Hak’tıng Rablıgına
Köñülden razımız
Bergeni musibetke
Razılıq kerek bolgan.
“Ah!” “of!” dep şiqayet
Etsek sosı marazdan
Rabbimizding qaderini
Begenmegendey bolgan...
Em maramatını inkar,
Manesine de kelgen...
Kaderge yaman degen
Basını örske soqqan
Rahmetti em begenmese
Rahmetten mahrum qalgan
Sıngan qolman intiqam
Almaq üşün bîr adem
So qolını qullansa,
Qolının sınganını
Taga ziyada qılgan...
Aynı sonday musibetke
Şiqayetpen itiraz,
Em meraqpan qarşılagan
Musibetini qatlap
Bîr ekende eki qılgan...
Savlıqpan qalıñız
Dr. Yusuf ALTINIŞIK
E-mail: altinisikyusuf@gmail.com