Nogayça 77: İymandıñ yahşılıgı (3)
Bu yuma tagı “İYMANDIÑ YAHŞILIGI” baresinde habarlasamız...
Eger iyman savlesi,
İnsan işine kirse,
Barı Allah’tan kelgen
Üstündeki manalı,
Parlap turgan naqışlar,
Ol iymanman oqıngan...
Sosı mü’min en aldın
Özindeki naqışlardı,
Öz özine oqıgan.
Özi oqıgandan soñ
So iymanman ol mü’min,
Em basqaga oqıtqan...
Oqıgandan tagı maqsat,
Nav manedi añlagan:
“Men CalallıAllah’tıñ
Yaratqanı qulıman!
Rahmetine iqramınga
Bastan songa ugraganman.”
Nav sözlerdi aytqanda,
İymanlı bîr müsliman;
Özi üstinde bolgan
Rabbani sanatlardı,
Özindeki manelerdi,
Körgenini belli etip
Basqaga da oqıtqan,
Bîr suvrettiñ qıymatı,
Suvretçiden kelgendey
Är müşesi mucize
Bolup turgan so insan,
Allah yasaganı üşün
Neşe qıymatta bolgan...
Är zatqa küşi yetken
Bîr Allah’tıñ öneri,
Bolup turgan so insan,
Soñsız barı qıymattı,
Özi üstine cıygan...
Basqa bîr manemen em
Nav bahaman ol insan,
Barı maqluq üstünde,
Allah’tıñ so qulını,
Özine yuvıq qılıp
Söz aytqanı maqamga
Yetip bargan so insan...
Em Yennet’ke tiyisli,
Tagı bolgan nav insan...
So maqamman barabar,
Ziyadası ol insan,
Allah’qa qonaq bolgan...
Eger inkär insandıñ
İşinde orın tutsa,
Ol vaqıt köp manalı
Barı Allah naqışları,
Qaranlıqqa tüseberip
Körülmegen, oqınmagan...
Allah’qa qaraytagan
Barı manevi betler,
Anlaşılmagan üşün,
Tömenlergeşe tüsken...
So maneli ullı sanat,
Yahşı manevi naqış,
Köbi yasırıp qalgan...
Sosı inanmagan insan,
Artta qalganlardı tagı,
Quday’ga em baylamay
Asıl yeri oyda bolgan
Sabeplerge, tesadüpke,
Tabiyatqa bergen üşün:
“Nav sabepten, boldı insan;
Adem öz özine bolgan;
Bizdi tabiat yaratqan!”
Degen üşün so adem,
YaratuvşıAllah’pan
Barı bavını üzgen...
Allah bavı bolmasa,
Mucize bolgan insan,
Äş qıymatı qalmagan...
Är bîr insan, bîr almas
Qıymatında ekende,
Bîrer sönük sise bolup
Qıymatı yalgız sonıñ
Yanvar maddege qalgan...
Maddediñ gayası da,
Eñ songı meyvası da,
Burungıda aytılganday,
Kısqacıq bîr ömirde,
Yan yanvardıñ eñ acizi,
Eñ muqtaj em eñ mungını,
Bolaberip so insan,
Bîr kesek yaşavlı
Acız, yarlı maqluq bolgan!
So yaşavdıñ soñında em,
Äş bîr zatqa yaramadan
Bos bosına ötip ömri,
Topraqqa şürüp ketken...
Sosı inkär insandıñ,
Ullı, biyik maqamını,
Köşirip yerge yıqqan!
Almas qıymatında insan,
Kömürlerge avısqan...
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com