Yaña terror paradigmaları

 Yoldız suğışları proyektı kebek asimmetrik suğış töre bulğan terror da Salqın suğışnıñ betüenä tä’sir itte. Dönyağa xakim bulğan köçlär üzläre uylap çığarğan äxlaqsız suğış ısulı bulğan terrornıñ ber kön üzlärenä bäla bulacağın uylıy almadı.

Terror 1980 nçe yıllar başında Livan başqalası Bäyrutta amerikalı diñgez maxsus köçlären maqsat itep alğan höcüm belän könbatışlı duslarıbıznı qayğığa sala başladı. Yuğisä ul däwerlärdä ayıruça berlektäşlärebezneñ başqalalarında här kön Törkiyä diplomatları üterelä ide. Ul yıllarda Törkiyäneñ yözlärçä watandaşın häm diplomatın ütergän “ASALA” terror oyışmasınıñ Parijnıñ Orli hawa mäydanındağı Törek grajdanlıq aviaŝiya transport oyışmasına oyıştırğan höcümendä töreklär belän bergä franŝuzlar da ülde. Bu waqiğa “ASALA”nıñ betüeneñ başlanğıçı buldı. 

Terror awrupalını ütergän öçen qurqınıç,yanaw itep kürelä başladı. Yuğisä Törkiyä däwläte yıllardır häm awrupalı ,häm NATO berlektäşlärennän ärmän terrorçılarnı taläp itä ,ä könbatışlı duslarıbız bu taläplärne kürmämeşkä sabışa ide.

Bu waqiğadan soñ “ASALA”oyışması êşçänlegen kimetä başlağaç Törkiyä cirlärendä “PKK”qorallı terror oyışması tınıç xalıqnı,olı yäştägelärne häm balalarnı üterä başladı. Bu terror oyışmasınıñ häm finans, häm terrorçı çığanağı awrupalı berlektäşlärebezneñ däwlätläre ide.

Törkiyä demokratiya häm keşe xoquqlarınıñ ,bügenge köndäge global’ qimmätlärneñ bişege bulğan awrupalı duslarıbızdan bu terrorçılarnı soradı. Meñnärçä “PKK”lı terrorçı qatnaşqan terror ğamälläre,alar ütergän xatın-qızlar ,balalar,tınıç xalıqnıñ isemnäre häm qanlı räsemnäre awrupalı duslarıbızğa birelügä qaramastan ,qızğanıç, bügenge köngä qadär “Ğayeplelärne kire qaytarıp birü kileşüe”nä tuğrı qalmadılar häm terrorçılarnı kire tapşırmadılar. “Äl Qaidä”häm anıñ däwamı bulğan “DEAŞ”terrorçıları Awrupa başqalalarında bomba şartlatqanğa qadar berlektäşlärebez gel terrorçılarnı saqlaw belän bergä ,ul oyışmalarnıñ nığıp taraluı öçen här törle iqtisadi häm psixologik asqormanı tä’min itte.

Könbatışnıñ üz qimmätlären bu räweşle ayaq astına salıp taptaw yanında tragikomediya bulğan tağın ber wäzğiyät bar:Törkiyägä höcüm itkän, tınıç xalıqnı ,xatın-qızlarnı ,balalarnı ütergän bu terror oyışmalarınñ barısınıñ marksist häm antikapitalist buluı. Yäğni bu oyışmalar bazar iqtisadına, Könbatışnıñ bank sistemasına ,finans häm citeşterü sistemasına qarşı oyışmalar.

Bügenge köndä urtaq qimmätlärgä iyä bulğan könbatışlı berlektäşlärebezneñ cirlärendä üzenä yäşäw öçen urın tabıp taralğan terror ,qızğanıç, xäzer inde ul başqalalar watandaşların da üterä.

 “PKK”terrorı yözeneñ körd watandaşlar häm Törkiyädäge soŝialist dairälär tarafınnan añlaşıluınnan soñ oyışmanıñ Törkiyä xalqı häm zıyalıları küzendä legallege qalmadı häm soñğı operatsiyälär belän bergä qorallı köçe zur külämdä tä’sirsez xälgä kiterelde. Törkiyä häm watandaşları näq menä beraz räxätlänep,tınıçlanıp  qaldı digändä qısqartılğan iseme “FETÖ”bulğan “Fätullahçı terror oyışması”kilep çıqtı.

40 yıl buyı Törkiyä däwläteneñ barlıq oyışmaları kadrlarına ütep kergän häm alarnı üz qaramağına alğan bu oyışma cämğiyätkä häm dönyağa gel gönahsız,ğayepsez bulıp kürende.Tınıçlıq, bergä yäşäw mädäniyatı häm böten keşelek dönyasınıñ ,tabiğätneñ ,ekologik yäşäw xoquqın yaqlawçı İslam dine qimmätlären yaqlawına törek xalqın da, böten dönyanı da ışandırdı.

Bu qorallı terror oyışması 2013 nçe yılnıñ 17 nçe dekabrennän alıp bügenge könga qadär demokratik sistemağa, parlamentariy rejimına häm Törkiyä xalqınıñ yartısınnan kübrägeneñ tawışı belän saylanğan demokratik xökümätkä qarşı 2 tapqır tüntäreleş yasarğa kereşte. İke tüntäreleştä dä tınıç xalıqtan yözlärçä keşe, xatın-qızlar häm balalar üterelde. Meñnärçä keşe yaralandı. Töreklär tülägän salımnar belän il çiklären häm iminlegen saqlaw öçen alınğan oçqıçlar, tanklar,mıltıqlar, bombalar qızğanıç bu terror oyışması tarafınnan üz xalqına qarşı qullanıldı.

 “FETÖ”qorallı terror oyışması oyışu häm köçe yağınnan “PKK”nı uzıp kitte. “PKK” Törkiyäne bülüne maqsat itep quyğan terror oyışması bulsa, “FETÖ”cimerüçe häm basıp aluçı terror oyışması.

Ul parlament binasın, politsiya binaların, yullarnı, ilbaşı idaräse ofisın bombaladı. İlneñ böten sistemasın tulısınça basıp alırğa tırıştı. Fäqät törek xalqı bäysezlek häm demokratiya qimmätlärenä inanuı belän bu terror tüntäreleşenä qarşılıq kürsätep alarnı ciñde.

Xäzer isä Törkiyä ber yaqtan üz yaraların tözätsä, ikençe yaqtan da bu terrorçılarnı xökemgä tarta. “PKK”terror oyışması kebek bu oyışma terrorçıları da berençe çiratta Awrupa Berlege illäre bulu belän bergä Kanada, Tönyaq Awrupa kebek berlektäş illärgä qaçtı. Törkiyäneñ bolar belän bäyle xoquqi êşçänleklärenä duslarıbız häm berlektäşlärebez yaqlaw kürsätmäde. Êlegräk bezne qarşılarında yalğız qaldırğan terror oyışmaları kebek “Fätullahçı terror oyışması” da awrupalı ,könbatışlı berlektäşlärebezneñ tınıç xalqına terror ğamäle başqarmas dip ışanıp häm monı teläp qalabız. Monnan soñ könbatışlı tınıç xalıqqa yünälgän barlıq terror höcümnäreneñ säbäbe dus häm berlektäşebez bulğan säyäsätçelärneñ terrorğa qarşı berdäm bulmawlarıdır.

Ägär bu mäs’älädä citdi çaralar kürelmasä ,dönya global’ terror höcüme yanawına duçar bulaçaq. Çönki bu oyışma dönyanıñ här ilenä kerep urnaşqan.