Nogayşa 212: Allah’qa nege inanamız (3)
Allah’tıñ barlıgınıñ
Neşe delilleri baresinde,
Em Allah’qa inangandıñ
İnsanlarga ne darece
Kerek bolganı manesinde,
Bîr alimdiñ aytqanları,
Oyda aytılganday bolgan:
Üşünşi bîr delil:
Kel nav hareket etken
Antiqa saniyatlarga qara!
(Yanvarlarman insanlarga
İşaret etilipyatır.
Nege dese är hayvan,
Nav alemdiñ bîr fihristesi,
Em insandıñ özi tagı,
Nav kainattıñ kişkenekey
Bîr ülgisi bolgan sebep,
Alemde ne bar bolsa,
İnsanga em salıngan.)
So insandın är bîrevi
Nav yarasıq qasiyetpen
Yaratılganı sebep,
Sankim nav üyken saraydıñ
Kişkey nusqası bolgan...
Savlay sosı sarayda,
Är ne zat bolgan bolsa,
Nav kişkenekey hareketli
Makinede em bolgan...
Yani alem kişkeyip
İnsan bolup körilgen...
Endi äş imkän bolar ma,
Nav saraydıñ ustasından
Baska bîrev kelsin de
Sosı acayip saraydı,
Nav kişkenekey makinediñ
İşine akelip salsın...
Em äş imkän bolar ma?
Bîr kutuqtay bîr makine,
Barı savlay nav alemdi,
İşine algan alde,
Tesadüp yade abes
Bîr is, işine kirsin!
Demek közdiñ körgeni,
Neşe sosı antiqa,
Makineler bar bolsa,
Ol yasırın Yaratuvşı
Zat’tıñ bîrer sikkesi,
Mühürü ökmünde bolgan..
Üşünley bîrer tellal,
Em ilanname ökmünde,
Yani özlerini yasagan
Usta yasavşılarını,
Bildireberip turgan...
İnsanlar em ayvanlardıñ
Allerimen aytqanları,
Mine nav aqıyqat bolgan:
“Biz solayına bîr zattıñ
Saniyatı bolganmız kim,
Savlay barı alemdi,
Sankim bizdi yasaganday
Köp yengilşe yasaytagan
Küşi soñsız Zat bolgan...
Törtünş bîr delil:
Ey inatşı arqadaş!
Kel taga acayibini,
Endi saga körsetiyekpen:
Qara! Nav mamlekette,
So islerdiñ baresi,
Em körgenimiz barı zatlar,
Avıstı em avısıpyatır...
Baresi, eş bîrevi,
Bîr alde turmapyatır...
Dıqqat et, em nav körilgen
Yansız zatlar, duygusuz
Qutuqlar är bîrevi,
Sankim soñsız, köp küşli
Bîr hakimge usapyatır...
Nege dese är bîr zat,
Barı basqa zatlarga,
Sözini ötkeripyatır...
Mine qasımızda turgan
Nav makinege qara!
Sanki emir bergendey
Bezegine, süsine
Kerek bolgan ne bolsa,
Erek yerlerden yugurup
So terekke kelipyatır.
(Makine degen zat,
Meyvalı terekler bolgan.
Nege dese yüzlerşe
Dezgahlardı, pabriqadı,
İncecik tallarında
Tasıganday sankim,
İnsanga hayret bergen
Yapraqlardı, şeşekeydi,
Meyvalardı toqıpyatır;
Süslendirip, pisirip
Bizlerge uzatıpyatır!
Oysa şam em qatranday
Neşe üyken terekler,
Quru tasqa dezgahların
Ataberip şalışıyıpyatır.)
Endi nav yerge qara!
Sosı essiz bolgan zat,
Bîr işaret etkenimen,
Özinden üyken zatlardı,
Qızmatşı etipyatır.
Barı isi ne bolsa,
Qullıqlar ettiripyatır...
(Denelerge, togımlarga,
Em şıbın yımırtqalarına
İşaret etilipyatır:
Misal bolsa bîr şıbın,
Bîr qaraagaştıñ yapragında
Yımırtqasın taslaydı;
Bîrden so qaraagaştıñ
Yapraqları yımırtqalarga,
Ana qursagınday boladı.
Em besikke usap,
Ayriyeten balman toladı...
Sankim so meyvasız terek,
Nav keppen yan tasıgan
Ruhlu meyvalar beripyatır.)
Taga basqa zatlardı em,
Nav misallermen qarşılastır!
Sankim her bîr zat ne bolsa,
Barı sosı alemdeki
Maqluqlardı yıynap
Özi emrine tıgıpyatır...
Eger so yasırın Zat’tı
Sen qabıl etpesen,
Nav mamlekette ne bolsa,
Tasına, topragına,
Yanvarına, em insanday
Barı maqluqlarına,
Sosı yasırın Zat’tıñ
Barı önerlerini,
Saniyatını, küşini,
Berüvge mejbur bolıyaqsın!
Mucizeler yaratqan
Bîr yaratuvşı yerine,
Mucizeler körsetiyek
Milyarlar maqluq sanınca
Yaratuvşıga inanıyaqsın!
Basqa üyken qıyınlıq em,
Sosınlardıñ baresi,
Em bîr bîrevine zıd,
Em bîrbîrevine misil,
Em bîrbîrevinin işinde
Bolganı mejbur bolıyaq!
Eger sosınday bolsa,
Nav intizam, barı düzen,
Bızılıp em qarısıyaq.
Yani bîr Allah’qa inanmasan,
Milyarlarşa Allah’tıñ,
Barabar is etkenini,
Qabılga mejbur bolıyaqsın!
Yani maqluqlar barı,
Är bîrevi Allah bolıyaq( haşa!)!
Oysa bîr istiñ basında,
Eki tene adam bolsa,
Sosı isler qarısar!
Hale nav mamlekettey
Neşe üyken bîr orında,
Köp düzenli bîr elde,
Eki barmaq qarıssa,
Qarıstırıp salıyaq!
Bîr avılda eki müdür,
Bîr qalada eki vali,
Bîr mamlekette eki patşa
Bastutarlık qılsa,
So mamleket qarısıyaq...
Qaytip bolar nav käinattıñ
Eki iyyesi tabılsın!
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com