Nogayşa 211: Allah’qa nege inanamız (2)
Allah’qa inangandıñ
İnsanlarga ne darece
Kerek bolganı baresinde,
Bîr alimdiñ aytqanınıñ
Davamı solay bolgan:
“Qaytadan so sarseri,
Nav sözdi em aytqan:
Ya üşünley sen maga,
Nav alamat mamlekettiñ
Tek bîr iyyesi bolganını,
Yaratuvşıdıñ barlıgını,
İspat etip körsetirsin;
Yade maga äş tiyme!
Arqadaşı so ademge,
Solay bîr yavap bergen:
Madem seniñ inatın,
Divanelikke bargan!
Sosı inatpan özin,
Em bizdi, em barı eldi,
Bîr belaga tüsiriyeksin..
Men de saga on eki
Delilmen körsetiyekpen;
Bîr sarayday nav alemdiñ,
Em qaladay nav eldiñ,
Tek bîr ustası bolgan...
Em so usta baredi,
Bîr basına yaratıp
Tagı idare etken...
Barı etken isinde,
Em özinin küşinde,
Äş bîr yaqtan noqsanlıq,
Äş bîr vaqıt bolmagan...
Bizge körinmes ol usta,
Bizdi em är zattı,
Körgeniniñ qasında,
Barı sözdi esitken!
Kötere isi onuñ,
Mucize, yarasıq bolgan!
Nav körgenlerimiz barı,
Tillerini bilmegenimiz,
Kötere so maqluqlar,
Onıñ memurı bolgan...
Nav ökümlerge barı,
Mine birinşi delil:
Kel är yaqqa qara!
Em är zatqa dıqqat et!
Barı nav islerdiñ
İşlerinde yasırın
Bîr qol islep turadı...
Nege desen mine qara
Bîr diremşe quvvatı
Bolmagan şekirdektey
Bürtekey sosı zat,
Miñler oqqa yüklerdi,
Köteredi, tasıydı!
(Tereklerdi baslarında
Tasıgan şekirdeklerge,
İşaret etilipyatır.)
Em zerre miqtar bîr esi,
Bolmagan bazı zatlar,
Köp esli is etipyatır...
(Özi özine yogarlarga
Öseberip şıgalmagan;
Em meyvalardıñ avırlıgına
Dayanalmagan, yüzümdiñ
Şıbıq em tiyeklerindey
Köp narin ösimliktiñ,
Baska tereklerge incecik
Qollar atıp sarganına,
Yügüni sosınlarga
Bergenine işaret bolgan!)
Demek sosı zatlar barı,
Öz özlerine islemeydi;
Sosınlardı isletken
Yasırın bîr küş iyyesi,
Qudretli bîr Zat bolgan...
Eger öz özine bolsa,
Bastan basqa yaratılgan
Nav körgenimiz mamlekette,
Är is mucize, em är bîr zat,
Mucizeler körsetken
Alamat zatlarga avgan!
Yani yaratılgan är bîr zat,
Aynı yaratuvşıday bolar!
Nav pikir bolsa bolsa,
Äş bîr eske sıymagan,
Sapsata degen al bolgan!
Ekinşi bîr delil:
Kel barı togaylardı,
Meydanlardı, menzillerdi
Bezep turgan zatlarga,
Sen arüv etip qara!
Är bîrevinde yasırın
Sosı Zat’tan qabar bergen
İslerdiñ parqına bar:
Sankim baresi mühür,
Ya de aqşalarga qazılgan
Bîrer sikkege usap
Sosı Zat’tan qabar bergen!
Mine köziniñ aldında,
Bîr direm mamıqtan
Ne etilgenine qara:
(Togımlarga işaret bolgan:
Misal bolsa zarredey
Bürtekey aşgiş togımı,
Bîr diremşe zerdali,
Yade qavun şekirdegi,
Qutnadan taga yahşı
Toqıngan yapraqlarman,
Patisqadan taga aq,
Yade sarı şeşekeydi,
Sekerlerden taga tatli,
Köptelerden taga nazzetli
Meyvalar bergen qasında;
Qonserve qutuqlarından
Yuqa qabıqlarıman,
Yegenimiz meyvalardı,
Rahmettiñ qaznasından
Akelip özimizdiñ
Aldına salıpyatır...)
Sosı şekirdeklerden
Qaş top şuha, em patiska,
Şeşekeyli qumaş şıgadı...
Qayta qara sosınlardan,
Neşe sekerli tatliler,
Tögerekşe köpteler,
Yasalaberip turadı...
Bizlerden mîñler adem,
Aşasa em kiyseler,
Baresine yetedi!
Ayriyeten qarasan,
Nav şöyündi, topraqtı,
Suvdı em kömürdi,
Baqır em kümüsti,
Tagı em altındı,
Körilmegen qolına
Algan soñ sosınlardan
Bîr et kesegi yasaydı...
(Topraq, su, hava, nurdan
Ayvanlardıñ müşesin
Yaratqanına işaret bolgan.)
Mine ey aqılsız adem,
Bılayına barı isler,
Bîr zattıñ bolgan kim,
Savlay sosı mamleket,
Kötere kesegimen
Onıñ küşiniñ mucizesi
Astında bolup turadı...
Em tilegeni ne bolsa,
Soga moyın iyedi!
Basqa delillerdi tagı
Nasip bolsa keliyek yuma
Aytuvdı bizge Allah!
Nasip etsin inşallah!
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com