Nogayşa 202: Basqa bir avır sorav
Cenab-ı Haq musibetlerdi
Bergeniniñ qasında
Belalardı basımızga
Musallat etip salgan...
Böten masum künasiz
İnsanlar em ayvanlarga,
Sosı zulüm bolmas pa?
Yavap:
Haşa zülümAllah’qa
Äş bîr vaqıt tiyisli
Bolmagandıñ qasında
Bîr üyken aqıyqat em:
Barı mülk onun bolgan!
Nav sebepten Haq Quday,
Öziniñ mülkünde
Tilegenini eter...
So manedi az biraz
Taga aşıq etip aytsaq;
Biz özümüz nav manege
Bîrer misal bolamız:
Nege dese är bîrevimiz,
Mülkümüzge basqalardıñ
Qarışqanın tilemeymiz...
Söz kelimi üyümüzge
Bîr qonaq kelgen bolsa,
Üyümüzdiñ düzenine
Qarışaberip dep aytsa:
‘Nalardı nav orınga
Salganınızdı begenmedim.
Menim degenimdey etiniz!’
Dep bizge buyursa,
Äş razı bolarmız ba?
Elbet razı bolmaspız!
Atta bazı patşalar,
Özinin islerine
Qarışqan kim bolsa,
Tagı qardaşı bolsa,
Sonımınan sogısqan!
Bazı atası bolsa,
Onı em öltürgen!
Demek mülktiñ iyyesi,
Öziniñ mülkinde
Ne tilerse onı eter.
Basqasınıñ özine
Qarışqanın tilemes...
Basımızga kelgen
Barı musibetlerge
Nav qaravışpan qarasaq,
Tuvra bîr oy boladı...
Nege dese baremiz,
Haq Allah’tıñ mülkümiz.
Allah tagı mülkinde
Tilegenini etse
Aytıyaq söz tabılmas...
Basqa bîr misal bolsa:
Saniyatlı em önerli
Kiyim tiküvşi terzi,
Saga bîraz aqşa berip
Özindi model tutsa;
Gayet saniyatlı tikkeni
Sosı kiyimdi saga
Kiydirgen soñ em basqa
Önerleri körinsin dep
Saga kiydirgenini,
Qısqaltsa ya uzatsa,
Kesip bişip artıgı,
Seni oturtup turdursa,
Sen oga nav sözdi,
Äş aytalarsın ma?
‘Maga köp yaqışqan
Nav kiyimdi nege bızdın?
Em oturtup turdurup
Maga qıyınlıq berdin?’
Elbet aytalmayaqsın!
Nege dese sen özin,
Bîr model adamsın...
Eger aytıyaq bolsan,
Divanalıq etersin!
Ene sosı misaldey
CalaliyyesiAllah,
Köz qulaq em tildey
Duygularman bezengen
Gayet saniyatlı bîr tendi
Özi saga kiydirgen...
Türlü türlü atlarınıñ
Naqışları körinsin;
Em öziniñ önerleri,
Üstünde bilinsin dep
Seni türlü alatpan
Bay qılganı qasında
Maraz em bela berip;
Aşlıq berip, tok etip
Tagı em susatqan...
Mine sosı allerde,
Är dayim aylandırgan...
Em yaşavında sen,
Quvvatlı qalsan dep,
Em esmasını körsetüv
Maqsatıman sosınday
Bîr köp alde qıdırtqan...
Sen eger Allah’qa
‘Meni ne üşün musibetke
Tüsürüp turasın?’
Degen sözdi aytsan,
Aynı temsilde bolganday
Sosı vaqıt yüz hikmet,
Seni hamen susturgan...
Zaten äş areketsiz,
Dayim sakin qalınsa,
Tembel tembel bîr yerde,
Toktay berip turulsa,
Sosı al bîr türlü
Yoqluq ali sanılgan...
Tagı bizge zarar bergen
Bazı aller, areketler,
Em bîr alden bîr alge
Avısup turganımız,
Bar boluvdıñ keregi
Bolganı qasında,
Tagı em qayır bolgan...
Maramatlı Allah’tıñ
İslerinde muhaqqaq
Bîr hikmettiñ bolganına
İnanıp sosı istiñ
Soñını beklesek,
Biz qullarga sosı al,
Köp tiyisli bolgan.
Yaşav, areketlerminen
Taga oñ alge yeter...
Belalar sebebimen
Yahşı allerge kirer...
Hayat, Haq Allah’tıñ
Esması tecellisimen
Hareket eteberip
Taga taza bolgansayın
Em quvvat qazanar...
Em taga aşılıp
Bîr yaqtan em keñ bolar...
Basına keliyeklerdiñ
Yazuvuna, areketli
Bîr qalem bolaberip
Vazipesin körseter.
Ahiretteki ücretini
Almaga haq qazanar...
Savlıqpan qalıñız!
Yusuf ALTINIŞIK
E-mail: altinisikyusuf@gmail.com