Nogayşa 206: Miraş’tıñ meyvaları em paydaları ne bolgan? (2)
Bu yuma em “MİRAŞ’TIÑ MEYVALARI EM PAYDALARI NELER BOLGAN?” baresinde söz bardıramız...
Nogayşa 206: Miraş’tıñ meyvaları em paydaları ne bolgan? (2)
Miraş’tın meyvaları,
Em paydaları baresinde
Bîr alimdiñ aytqanı
Manelerdiñ davamı,
Nav aqıyqatlar bolgan:
Miraş’ta ekinşi meyva;
Paygambarımız Muhammed’diñ,
Aleyhissalatü vesselam,
Barı yaratılgan ne bolsa,
Sosınlardı yaratqan
Käinattın iyyesi,
Barı alemlerdiñRabb’ı,
Azel em abeddiñ
Hakimi Hak Rab’tıñ
Razı bolıyagı zatlardıñ
Basındaqı namazdı,
Em basqa esaslardı,
Cinlerge, insanlarga,
Akelgeni bolgan...
Quday’dıñ insanlardan
Qaytip razı bolıyagını
Maraq etken bîr insan,
So manedi añlasa,
Özine neşe üyken
Bîr şatlık sebebi bolgan...
Nege dese bîr insan,
Üyken valiynimetini,
Yani soga köp nimet
Bagışlagan ademdi,
Ya iygilikti köp süyer!
Erekteki patşasınıñ
Özinden tilegeni
Ne ekenin bilgendi,
İşinden köp havas eter...
Patşadıñ tilegenin
Bîr añlasa so adem,
Qaytibine süyüner...
Ayriyeten işinden
Keşke patşaman söylemege
Bîr yolum bolgay edi,
Tuvradan em tuvraga,
Ol patşaman söylesip
Tilegeni ne bolganın
Keşke añlagay edim,
Menden hoşına ketiyek,
Aller ne eken bilgey edim,
Dep işinden ötkerer...
Ene sosı misaldiñ
Terezesinden qarasaq,
Acaba barı maqluq,
Onıñ qullıgında bolgan;
Em barı barlıqqa
Bergeni yarasıqlıq,
Em oñgınlıqtın baresi,
Özinin cemalına,
Tagı em kemalına
Nispet etilse eger,
Anşa arıq kölge bolgan;
Em är vaqıt nihayetsiz
Betlerden oga muqtaj,
Tagı hadsiz iqramlardı
So Quday’dan körgen insan,
Ne derece so Allah’tıñ
Razı bolıp tilegeni
Barı zattı anlamaga,
Neşe bîr iştaqpınan,
Maraqlar etiyegini;
Süytüp em eslegeni,
Soga köp kerekkenin
Är kim yeñgilce anlar...
Mine Rasül aleyhisselam,
Yetmis miñ perde artında,
Azel ebed Sultan’ı
Haq Allah’tıñ razılıgı,
Qaytibine bolıyagını,
Tuvradan tuvra esitip
Miraş’tıñ bîr meyvası,
Bolgan sosı haqıyqattı
Akelip insanlarga,
Ediya etip salgan...
İyye insan, kökteki
Ay’dıñ alin añlasam, dep
Bîr neşe maraq eter.
Keşke Ay’ga bîr insan,
Ketip barıp keri qaytsa,
Sosı yerden qabar aytsa,
Dep işinden ötkerip,
Soga gayrat körseter.
Sosı Ay’da bolgandı,
Eger arüvşe bilse,
Neşe hayretke tüser...
İnsanga maraq bergen
Nav Ay’ga em qaransa,
Kökte körgenimiz Ay,
Qaydey bîr mülk iyyesi
Sultan’dıñ yurtında,
Qara şıbınga usap
Yer’diñ tögereginde
Aylanaberip uşqan...
Sosı Yer’ge em qarasaq,
Aynı küpelekke usap
Kün’diñ tögereginde
Aylanaberip gıdırgan...
Em Kün’ge qarasaq,
Miñler lamba işinde
Bîr lamba bolup özi,
Calal em mülk iyyesi
Ol Allah’tıñ qonagında,
Şerağ bolup yıltıragan...
Mine sosı Paygambar,
Aleyhissalatü vesselam,
Ene sonday bir Calal
İyyesi Rab Allah’tıñ
Etkeni islerini,
Em saniyatının acayibini,
Em baqıy alemdeki
Rahmet qaznaların körüp
Artından keri qaytıp,
Bîr neşe hayretpinen
Körgenlerin qabar bergen...
Endi sosı insanlar,
Nav Paygambar’dıñ aytqanların,
Maraq em hayretpen,
Tagı muhabbetpinen
Tıñlamasa ne darece
Aqıl tısına şıgıp
Hikmetten erek tüsiyegini,
Sen aşkere añlarsın...
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com