Nogayşa 173: Üş kepte barılgan yer: qabır (3)
Bu yuma em “ÜŞ KEPTE BARILGAN YER: QABIR” baresinde söz bardıramız!
►Nogayşa 173: Üş kepte barılgan yer: qabır (3)
Nav barede bîr alimdiñ
Aytqanınıñ soñı
Nav aqıyqatlar bolgan:
“Mine sosı zavqlardı,
Barı em tatimdi,
Taslap ketse bîr adem;
Yaslıq aldatqan üşün,
Soñda insan qıynaltqan,
Aşuvlarga bulgatqan,
Aynı zeyirli balday
Künaler em neşe yaman
Avaslarga yesir bolup,
Ötivşi em aram
Nazzetlerge aldanıp
Yoldan şıqsa bîr insan;
Ayvanlıqtan yüz darece
Taga oyda boladı...
Sosı künager insan,
Acnebi dinsizlerdey
Tagı em bolalmaydı!
Nege desek sosınlar,
Bîr paygambarga inanmasa,
Baska bîr paygambardı,
Qabul etip tanıydı.
Paygambardı bilmese de
Rabb’ımızdı tanıydı...
Allah’tı em bilmeseler,
Oñınlıqqa sebep bolıyaq
Bazı yahşı qasiyetlerdi,
Üstlerinde tasıydı...
Amma bîr müsliman,
Em enbiyadı, Allah’tı
Paygambarlar em Haq’tı,
Sav ongınlıqtıñ baresini,
Muhammed Rasülüllah
Aleyhissalatü vesselam’dıñ
Degeninden tanıydı...
Paygambar Muhammed’diñ,
-Salat selam bolsun oga-
Terbiyasını taslap
Zıncırından şıqsa insan,
Taga äş bîr paygambar,
Em Allah’tı tanımaydı...
Öziniñ özeginde,
Ruhında, yüreginde,
Oñınlıqtı saqlıyaq
Bîr esastı bilalmaydı...
Nege desek Allah betten
Yiberilgen miñlerşe,
Barı neşe paygambardıñ
Eñ soñıncısı, eñ biyigi;
Em akelgeni İslamdini,
Tagı etken daveti,
İnsanlardıñ baresine
Qaraganı sebep;
Em neşe mucizediñ
İyyesi bolgan sebep;
İnsanlardıñ baresine
Üstadlık eteberip
Üyretkeni aqıyqattı,
On tört ömir boyunşa
Yarık kepte körsetken;
İnsanlardıñ öktengeni,
Nav Paygambar Muhammed’diñ,
-Aleyhisselatü vesselam-
Üyretkeni terbiyadı,
Tagı dindiñ şartlarını
Taslagan bîr adem,
Äş bîr yaqtan, äş bîr zaman,
Bîr savle, bîr ongınlıq,
Yaşavınşa tabalmaydı...
Ziyadası soñ martebe
Tömenlerge tüspege,
Mejbur bolıp qaladı!
Mine ey sosı dünya
Hayatınıñ zavqına
Tüseberip bîr yaqtan,
‘Keliyegim ne bolıyak?’
Dep oylap keliyekti,
Em yaşavdı qazanmaga
Qayrat qılgan beşaraler!
Nav dünyadıñ zavqını,
Tatim em rahatını,
Tileytegen bolsanız,
Alal tögeregindeki
Keyipke qanaat etiniz!
Ol keypinizge yetip artadı...
Eger aramga kirseniz,
Sosı nazzet işinde,
Miñ türlü qıynaluv
Bolganını burungıda
Aytılgandan añladınız...
Eger avvel zamanlardı,
Aligi nav vaqıtta
Körsetken sinemaday
Keliyekteki allerdi,
Mesela elli sane
Soñında bolıyaqlardı,
Körsetpege imkän bolsa,
Nav künager ademler,
Aligi külgenine,
Yüzmiñlerşe şiykenip,
Em aşuvlanıp yılıyaq edi...
Sözdin özi, em soñı,
Dünya em ahirette,
Abadi em dayimi
Süyüngendi tilegen,
İyman tögereginde,
Muhammed Paygambar’dıñ,
-Aleyhissalatü vesselam-
Terbiyalavşı alini,
Tagı üyretkenlerini,
Özine yol kösterüvşi
Bilgeni kerek boladı...”
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com