Nogayşa 147: Ahiret’ke aşılgan esikler (4)

►Nogayşa 147: Ahiret’ke aşılgan esikler (4)

Burungı yumalarda, 

Rabb’ımızdıñ rahmetiniñ, 

Tagı yomartlıgınıñ

Ahiret’tiñ bolıyagını  

Qaytip körsetkenini,  

Bîr alimdiñ sözlerimen

Bîr kesek aytqan edik.

Endi sosı yumada, 

Rabb’imizdiñ calalınıñ  

Tagı em izzetiniñ

Ahiret’ti körsetken     

Neşe delillerinden      

Bazısını aytamız…

Qaydey boladı desek;

Kuday’ımız Hak Rab’tıñ 

Soñsız calal, izzeti,  

Sosı calal, izzetke    

Tiyisli bîr yezadıñ   

Berilgenin tileydi.

Em bîr yeza ornınıñ   

Bolıyagını bildiredi:

Nege desekköbinşe     

Zalımler izzetinde,   

Mazlumlar zilletinde,

Ölüp, köşip ketedi... 

Zalımlardıñ bîr köbi,    

Yeza almay öledi.

Mazlumlardıñ köbi em,  

Aqlarını alalmay   

Nav dünyadan köşedi.

Zalımlardıñ yezası  

Mazlumlardıñ aqları    

Köbi berilmey qaladı…

Demek basqa orındaqı    

Mahkemege taslanadı.

So manege bîr misal,     

Yahşı kepte aytılgan:

Nav dünyada islengen      

Kişkey qabahat bolsa,

Sosı şuştıñ mahkemesi     

Kişkey yerde köriledi.

Üyken qabahat bolsa         

Üykenine yiberiledi...

Endi barabar oylasaq;  

Nav dünyada bîr neşe    

Zalımlardıñ şuşına

Qaysı yeza berilse,     

Baresi de az keledi.

Quday, soñsız adaletli,   

Em izzetli bolgan üşün,

Sonday üyken zalımlardıñ  

Yezasını keşiktirip   

Ahiret’ke yiberedi...

Suşlarınıñ yezası,  

Köp üyken bolganga   

Nav dünyada berilmeydi!

Milyonlarşa insandı    

Öltürtken adamlarga,     

Dünyadaqı yezalar,     

Qaysı bolsa az keledi!

Eger sosı zalımlar,   

Äş bîr yeza körmese,   

Ol zaman Quday’dıñ

İzzet em gayratınıñ,  

Tagı adaletiniñ  

Bîr qıymatı qalmaydı...

Tek Quday bazı vaqıt,     

İbret alınganın tilep,

Em izzet, gayratına   

Tagı delil bolsun dep  

Burungı zamanlarda  

Körilgen kebimen      

Bazı ası insanlarga,      

Nav dünyada tagı em,

Yezasını beredi...

İnsanlardan kîm bolsa,    

Ası kelip yoldan şıqsa,

Basqalarga zarar berse,  

Bîr calal em kahırdıñ  

Sillesi bolgan azap,  

Baslarına keledi...

Bîr yaqtan em qaransa, 

Ası kelgen qavımlardıñ  

Baslarına kelgen  

Azaplar, musibetler,  

İnsanlardıñ bası bos   

Bolmaganını tagı,

Barı eske körsetedi...

Neticege qarasaq, 

Tuvrası bîr aqıyqat:

Äş imkänı barma eken, 

Barı maqluq işinde  

Maddi em manevi

Onşa müşelerimen   

Nav insandıñ qıymatlı,   

Vazipeleri bolsa;

Em insandıñ Rabb’ı da  

Özini so insanga  

Yaratqanı maqluqpan

Tanıttırsa, bildirse;

 Soñında insanlar da  

İyman etpey Allah’tı  

Tanımasa, bilmese;

Tagı rahmettiñ munşa  

Süslü meyvalarıman  

Kuday’ımız Rab Allah,

Özini köp süydürse,

Qarşılıgında insan da   

Quday’ına özini,   

İbadetpen süydürmese;

Em munşa türlü türlü,   

Soñsız nimetlerimen  

Süygüsini, rahmetini,

Qulllarına körsetse;

Qarşılıgında insan da  

Şükürminen, hamdminen   

Oga örmet etpese;

Nav allerimen ol insandıñ  

Yezasız em basıbos  

Qalganı barı eske,

Äş bîr vaqıt sıymaydı...

Soñsız izzet em gayrat    

İyyesi Hak Allah,  

Sosı asılar üşün,

Bîr yeza ornını,      

Azirlemey qalmaydı...

Em imkänı bar ma eken     

Köp maramatlı Rahman’dıñ

Özin tanıtqanını,         

İymanmınan qarşılagan;

Bîr yaqtan tagı em     

Rabb’ımız Allah’tıñ     

Qullarına özini,

Nimetlerimen barı,     

Süydürgenini tagı,    

İbadetpen qarşılagan;

Em Quday’ına özini     

Süydürgendiñ qasında,  

Basqalarga tagı em,

Süydürgen qullarına;  

Şükür em örmetpen   

Qullıqlar körsetken  

İymanlı ademlerge, 

Bîr mükapat yurtını, 

Em abedi şatlıqtı,  

Bermeyberip süytüp qalsın.

Sosı aller Quday’dıñ   

Rablıgına eş sıymas.

Savlıqpan qalıñız...

Dr. Yusuf ALTINIŞIK

E-mail: altinisikyusuf@gmail.com