Nogayşa 132: İymandan kelgen tınşlıq (6)

İymandan bizge kelgen,    

Tınışlıqtan qabar bergen

Keñ maneli sözlerdiñ      

Segizinşisi nav bolgan:  

“Ve Hüve Hayyün La Yemut”

Manesine qarasaq; 

“Sav barı dünyadıñ  

Yaratılgan maqluqında

Süyüvge sebep bolgan    

Körgenimiz oñgunlıqtıñ,

Em gözellikpen iygiliktiñ    

Soñsız qat qat üstinde

Bîr gözellikpen oñgunlıq,   

Em de soñsız iygilik,

Barı, Allah’ta bolgan...

Bîr yaqtan tagı em,  

Gözelliginden onuñ   

Bîr tek tecellisi em,

Dünyadaqı köringen  

Barı gözellerminen, 

Em süygülilerdiñ

Baresine bedel bolgan...

Barı gözel süygüliler, 

Sonıñ gözelliginiñ  

Bîr tek tecellisine,   

Tap qarşılıq kelmegen...

Ene sosı qasiyetlerdiñ,  

İyyesi Hak Allah’tıñ  

Azeli em abadi,

Tavsilmegen bîr zaman,       

Soñsız tiriligi bolgan...

Yoq bolgandan, soñlılıqtan,      

Noqsan em qusurlardan

Abedi erek qalgan...

Yoq bolup ketkendiñ   

Lekesinden uzaq bolgan...

Mine sosı kelime, 

Jinler em insanlarga,   

Em esi bolganlarga,

Em yüregi süygimen      

Tolup turgan insanlarga,

Nav aqıyqattı bildirgen:

Sizge süyünşilik bolsun:      

Süygenlerinizden soñsız

Ayrılıqtıñ yarasını            

İygi etip malem yaqqan

Bîr dayimi süygüli,          

Em gözel Rabb’ınız bar...

Madem ol bar tagı em,    

Yaşavı dayim bolgan;   

Basqalar ne bolsa da

Äş maraqqa tiymegen...

Nege desek sizlerden         

Süygülilerge sozılgan,

Süyginizge sebep bolgan     

Gözellik em oñgunlıq,

Em cömartlıq, iygilik,   

Ol abadi süygüli      

Rab’tıñ gözelliginiñ

Bîr kerede köringen      

Bîr tek tecellisiniñ 

Köp perdeden ötken soñ       

Köringen kölgesiniñ 

Kölgesi kebinde bolgan...

Nav haqıyqat sebep,   

So gözellerdiñ ozganı, 

Sizlerdi ıncıtpasın!

Nege desek so gözeller,    

Baresi de ol Quday’dıñ

Gözelliginiñ alemde,       

Bîr türlü bıyalası bolgan...

Pıyaladıñ bîr manesi,  

Bîr ustadıñ önerleri 

Etken isinde köringendey,

Allah’tıñ yaratqanı   

Barı sosı gözeller,     

Onuñ önerleriniñ

Bîr şeşit bıyalası bolgan...

Demek sosı gözel Allah,   

Özi gözelligini,    

Tagı önerlerini,

Körgenimiz gözellerdiñ    

Bıyalasında körsetken...  

Gözellikler baresi             

Onuñ gözelliginden kelgen.

Quday gözelliginiñ            

Izlarını tasıgan...

So gözellerdiñ ozganı,      

Bıyala avısqanday bolgan...

Bıyalalar avıssa,   

Bîr yaqtan em köbeyse,    

Gözellik taga da

Parlayberip yarıqqan...

Türlenip, yañılanıp,  

Taga artıq alamat, 

Em yarasıq köringen...

Demek madem Allah bar, 

Sosı vaqıt är zat bar;

Yani barı gözellikler,

Tagı em süygüliler,  

Allah dayim bolganga

İyyeleri sayasında,   

Sosınlar tagı em,    

Yoq bolup ketpegen...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com