Törkiyä iñ küp turist cälep itüçe 4nçe il
Mädäniyat häm turizm ministrı maqsatnıñ berençe öçlekkä kerü buluın citkerde
Mädäniyat häm turizm ministrı Mäxmät Nuri Ärsoy Törkiyäneñ iñ küp turist cälep itüçe 4nçe däwlät buluın belderde. Ul Şanlıurfa Mädäniyat yulı festivale qısalarında matbuğat ähelläre belän oçraştı.
Ministr üzeneñ çığışında Şanlıurfanıñ tarixı, gastronomiyäse belän iskitkeç qala buluın äytep uzdı. Ul töbäkneñ zur turizm potenśialı barlığın belderde. Ärsoy äytüençä, festival’ waqıtında şähärdäge barlıq qunaqxanälär tuldı, oçqıçlarda urın qalmadı.
Ministr turizmda sezonnı 12 ayğa suzunı maqsat itep quyuların, monıñ barı qoyaş, qom, diñgez belän genä bäyle bulmayacağın assızıqladı. Ul töbäklärneñ mädäni, arxeologik qıymmätlären alğı planğa çığarırğa isäpläwlären söyläde.
Mäxmät Nuri Ärsoy iñ küp turist cälep itüçe öçençe il bulu maqsatı barlığın da citkerde. “Menä İtaliyäne uzıp 4nçelekkä kildek. 2028nçe yılğa qadär 80 million turist cälep itep berençe öçlekkä kerergä maqsat itep quyabız”,-dide ul.
Bäyläneşle xäbärlär
Bäyräm yallarında muzeylar häm xäräbälärgä kilüçelär sanı artqan
Tarixi häm mädäni miraslarnı qararğa 1 million 111 meñ 957 keşe kilgän
Törkiyä yözüçese - Awrupa çempionı
Milli sportçı Kuzäy Tunçälli çempionatta altın medal'gä layıq buldı