İzrailne Veneśiyä biennale çarasında qatnaştırmasqa çaqırdılar

İzrailne Veneśiyä biennale çarasında qatnaştırmaw öçen başlanğan petiśiyägä dön’yada 8 meñnän artıq sänğat’çe qul quydı. İmza cıyunı “genośid tügel, sänğat’ berlege” dip ataluçı xaqlıqara törkem başlap cibärä. Alar Ğazzädä fälästinlelärgä qarata zolımnarın däwam itüçe İzrailgä 20nçe aprel’dän 24nçe noyabr’gä qadär İtaliyäneñ Veneśiyä şähärendä uzaçaq biennaleda urın birmäw kiräklegen belderä.  

İmza cıyu kampaniyäsenä quşıluçılar arasında cırçılar, yazuçılar, rässamnar häm başqa icat ähelläre bar. Oyıştıruçılar bu xaqtağı belderüdä Xalıqara mäxkämäneñ ğıynvarda çığarğan qararına sıltama yasap bolay di: “İzrailneñ Ğazzägä qarata aylar, çınlıqta, distälärçä yıllar baruçı höcümnäre, bernigä qaramastan, däwam itkändä, liderları xalıqara xoquqtan östen buluların iğ’lan itä häm oyatsız räweştä genośid niyätlären açıp sala”.  

İmza kampaniyäsendä xäterlätelgänçä, 2022nçe yılda Rusiyä höcümnäre başlanğaç, biennale Ukraina xalqınıñ üz yazmışın bilgeläw xoquqın häm bäysezlegen yaqlap bik küp belderü yasadı häm Rusiyäne çarada qatnaştırmaw qararı çığardı. İzrailgä qarata da şundıy uq qarar çığarılırğa tiyeşlege assızıqlandı.