Olimpiya uyınnarına İzrailne kertmäskä çaqırdılar

Franśiyädä oppoziśiyä deputatları Xalıqara Olimpiya komitetınnan bıyıl uzaçaq Parij uyınnarında İzrailgä sankśiyä kertelüen soradı. Alar komitet räise Tomas Baxqa xat cibärde. Anda mondıy yullar bar: “BMOnıñ 2023nçe yılnıñ noyabrendäge mäğ’lümatlarına qarağanda, Ukraina suğışı başlanğannan birle 2 yılğa yaqın waqıt êçendä 560 balanı da kertep yaqınça 10 meñ grajdanlınıñ ülüe bilgele. Ğazzädä isä barı 4 ay däwam itüçe höcümnärdä kübese balalar häm xatın-qızlardan toruçı ülelär yäisä yuqqa çığuçılarnıñ sanı 40 meñgä yaqınlaştı, 70 meñ keşe yaralandı”.

Deputatlar 2024nçe Parij Olimpiya uyınnarında Rusiyä häm Belarus’qa qarata kertelgän sankśiyälärneñ İzrailgä dä kertelüen taläp itä.

Xalıqara Olimpiya komitetı Rusiyä häm Belarus’ sportçılarınıñ Parijda il êmbleması häm bayraqlarınnan başqa ğına “neytral’” statusta yarışa aluın, ä Rusiyäneñ Ukrainadağı suğışın aktiv räweştä yaqlawçılarnıñ isä qatnaşuına röxsät birelmäyäçägen belderde.