Muğlağa bıyıl küpme turist kilde?

Muğlanıñ Mädäniyät häm turizm mödire Xösäyen Toprak kruiz köymäse turizmında uzğan yıldan birle citdi xäräkät buluın äytte.

Xösäyen Toprak 1484 çaqrım belän Törkiyäneñ iñ ozın yar buyı şähäre bulğan Muğlanıñ kruiz köymäläre öçen möhim yünäleşlärdän berse buluın citkerep: “Bıyıl Bodrumğa 75 kruiz köymäsendä 62 261 yulçı, Marmariska isä 23 köymädä 26 649 yulçı kilde,” – dide.

Mädäniyät häm turizm mödire Muğlanıñ turizmnıñ här ölkäsendä xezmät kürsätüçe şähär buluına işarät itep, bıyıl törle illärdän köymälärneñ Bodrum häm Marmaris portında tuqtaluın, Amerika Quşma Ştatları, Germaniya häm Angliya belän ber rättän kübräk Awrupa Berlege illärennän turistlar qabul itüen açıqladı.