Vatikanda - Raştua

Xristiannarda Ğaysä päyğambärneñ tuuın bilgeläp uzuçı Raştua bäyräme uñayınnan Vatikanda katoliklarnıñ ruxani liderı papa Franśisk citäkçelegendä ğıybadät bulıp uzdı. İzge Pyetr bazilikasındağı yolada çirkäw kardinalları, monsen’orlar häm Vatikanda akkreditaśiyälängän diplomatlar qatnaştı. Anda yaqınça 6 meñ 500 keşe cıyıla.

Ğıybadätkä papa Franśisk, uzğan yılğı şikelle ük, invalid kolyaskasına utırıp kilde. Ul qatnaşuçılarğa fatixa birde häm çığış yasadı. “Bügen küñellärebez belän bez Bäytullaximda (Vifleem)” - dide papa häm Ğaysä päyğambär dön’yağa kilgän cirlärdä qoral tawışları görelteseneñ däwam itüenä körsende.

Katoliklarnıñ ruxaniye üz çığışında Raştua aldınnan xalıqnıñ satıp alu çirenä quşıluın tänqıyt’läde häm älege bäyrämne qullanu kul’turası belän tiñlämäskä çaqırdı.