“Sulış” fil’me TRT xezmätkärläre öçen kürsätelde

Törkiyä teleradiokompaniyase TRT ğomüm mödire Zahid Sobacı “Sulış – urın minus ike” fil’men xezmätkärläre belän bergä qaradı.  

“Bu fil’m qaharman yegetlärebezgä qarşı cawaplılıqlarıbıznı cirenä citkerü tırışlığıbıznı çağıldıra,” – digän TRT ğomum mödire TRTneñ bäysezlegennän taşlama yasamağan, tufraqlarına şähit qanı señgän bu geografiyadä tağın da ğadel dön’ya teläp, 8 milliard keşene qoçarğa tırışuçı däwlät oyışması buluın äytte.

Törkiyä teleradiokompaniyaseneñ uzğan yılnı şaqtıy innovaśiya başqaruın häm Xalıqara media ölkäsendä “Êmmi büläge”n aluın, sanlı platforma “Tabii”neñ dä çınğa aşırıluın xäterlätkän Zahid Sobacı reytinglardağı uñışnıñ däwam itüen belderde.

Sobacı TRTneñ 2024 yılda da berkem belän tügel, ä üze belän yarışıp, tağın da üsäçägen äytte.