Meksika muzeyında "Törkiyä zalı" açıldı
Anda bik küp śivilizaśiyäne üzenä sıyındırğan Anadoludağı 13 çorğa qarawçı 61 êksponat bar
Meksikanıñ Dön’ya mädäniyatları muzeyında Törkiyäneñ bay tarixı häm mädäni törlelegen çağıldıruçı äsärlär urın alğan zal açıldı. Anı Törek xezmättäşlege häm koordinaśiyäse agentlığı (TİKA) oyıştıra.
“Törkiyä zalı”nıñ açılış tantanasında TİKA citäkçese Särkan Kayalar çığış yasadı. Ul älege adımnıñ illär arasındağı duslıqqa häm ike cämğıyät’ arasındağı yaqınayuğa öleş kertäçägenä ışana. “Greśiyä, Qıtay häm Misır şikelle borınğı śivilizaśiyälärgä qarawçı arxeologik, antropologik häm êtnografik äsärlär urın alğan bu qıymmätle muzeyda TİKA yärdämendä “Törkiyä zalı”bıznı açıp cömhüriyätebezneñ 100 yıllığın ğorurlanıp bilgeläp uzabız”,-dide Särkan Kayalar.
Muzeyda tarixtağı iñ borınğı yäşäw urınnarınnan berse bulğan Göbäklitäpädä tabılğan äsärlärdän tış, bik küp śivilizaśiyäne üzenä sıyındırğan Anadoludağı 13 çorğa qarawçı 61 êksponat bar.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı