Şveyśariyädän (Швейцариядән) 37 äsär Törkiyägä qaytarıla
Mädäniyät häm turizm ministrı Mäxmät Nuri Ärsoy Törkiyäneñ Şveyśariyädä bulğan 37 tarixi äsäreneñ ilgä kitereläçägen belderde
2049656
Ärsoy başqala Änkarada qatnaşqan ber cıyılışta yasağan çığışında Törkiyä häm Şveyśariya arasında uzğan yılda qul quyılğan mädäniyät baylığı kontrabandasın buldırmaw turındağı ike yaqlı kileşü qısalarında täêmin itelgän berençe äsär qaytarıluı belän bäyle söyeneçne urtaqlaşırğa teläwen citkerde.
Ärsoy: "Urartu çorına qarağan sawıt-sabalar, caylanmalar kebek äyberlär belän bergä Rim çorınnan qalğan bolan sını belän ber rättän 37 äsärebez monnan arı üz cirlärenä qayta”, - dip äytte.
Zur öleşe urartu däwerenä qarağan 37 tarixi äsär Törkiyäneñ Bern ilçelegendä oyıştırılğan tantana belän Şveyśariya räsmiläre tarafınnan tulı wäqalätle ilçe Äcä Özbayoğlu Acarsoyğa tapşırıldı.
