TEKNOFEST bıyıl İzmirdä uzdı

Törkiyä ilbaşı Räcäp Tayyip Ärdoğan İzmirdä uzğan dön’yadağı iñ zur aviaśiya, ğaläm häm texnologiya festivale TEKNOFESTta qatnaşıp çığış yasadı häm yäş’lärgä möräcäğat’ itte.

Törkiyä ilbaşı Ärdoğan üzen tıñlağan yäş’lärgä bulışu öçenxökümätneñ bar köçen quyaçağın äytte häm xökümätneñ älegä çaqlı kertkän öleşläre öçen räxmätle buluın belderde.

“Biredä awırlıqlar aldında tarqalmıy torqan köçle ixtıyar bar.

Biredä törle qarşılıqlarğa qaramastan uñışqa ireşü öçen yanğan yöräklär bar.

Monda xıyallarında bernindi kirtälär belmägän yäş’lär bar.

Monda ayaqlarına bäylängän ğasırlar çılbırın cimergän

Törek milläte bar”,-dide Räcäp Tayyip Ärdoğan.

Bıyıl TEKONOFESTta barlığı 121 oyışma, şirkät häm mäğarif uçrejdeniyese qatnaştı.

İlbaşı Ärdoğan äytüençä, festival’dä zamança xärbi cihazlar ,dronnar häm oçqıçlar belän texnologik êşlänmälärne kürsätü bügen uquçılar bulğan yäş’lärne kiläçäk ğalimnäre häm injenerları itäçäk.

TEKNOFEST çarası yäş’lärneñ potenśialına basım yasıy.

Qatnaşuçılar arasında yäş’lärne ciñel tanıp bula.

Çarada qatnaşuçı qayber şirkätlärneñ tarixı bik ozın.  

“Sarsılmaz” – TEKNOFESTtağı iñ iske törek şirkäte.

“Sarsılmaz” şirkäte bu tarmaqtağı êşçänlegen 1880 nçe yılda, yäğ’ni Ğosmanlı imperatorlığı çorında flintlok mıltıqlarnı tözätep başlıy.

Xäzerge waqıtta ul dön’yanıñ 82 ilenä qoral häm mıltıq êksportlıy.

Şulay uq Törkiyä poliśiyäse häm xärbiläre qullanğan “milli pistolet” dip atalğan qoral citeşterä.

 /”Sarsılmaz” şirkäte ğomum mödir urınbasarı Önär Özyılmaz bolay dip belderde:“Bezgä kübräk injenerlar, kübräk keşe kiräk.Bez qatnaşuçılarğa, alar kiläçäkne bu perspektiva aşa tözi alsınnar öçen, barlıq produktlarğa iğ’tibar itergä mömkinlek biräbez.Bu çara bezneñ êşlänmälärne qatnaşuçılrğa bergä kürsätü öçen bik yaxşı mömkinlek”.

“Sarsılmaz” şirkäte xäzerge waqıtta yaña buın utlı qoral texnologiyälären üsterü östendä êşli.

Bu qorallar programma yärdämendä oçqıçlar kebek transport törlärenä tulısınça integraśiyälänergä mömkin.

Läkin bu şirkät TEKONOFEST häm yaña buın texnologiyälärgä genä tügel, Törkiyädäge yäş’lärgä dä zur iğ’tibar birä.