Gazütkärgeç suzğanda 8 mumiya tabıldı

Peru başqalası Limada tabiğıy gaz ütkärgeçe liniyäsen kiñäytü êşçänlekläre öçen cirne qazığanda êşçelär 8 mumiya häm inklar çorınnan da borınğı äsärlär taptı.

Arxeolog Xesus Baamonde Limanı bik küp tarixi qatlamğa iyä suğanğa oxşata. Anı “ärçegän” sayın qızıqlı tabıldıqlar päyda bula. Qala 400dän artıq zur arxeologik mäydanğa iyä.

Gazütkärgeçlär öçen qazu êşçänlekläre waqıtında tabılğan äsärlär arasında, çülmäklär häm tekstil’ äyberlären dä kertep, 1900dän artıq artefakt bar. Arxeologlar alarnıñ inklarğa qadär bulğan İçma dip ataluçı çorğa qarawın uylıy.

Lima tiräsendä İçma xakimiyäte bezneñ êranıñ 1100nçe yıllarında başlana häm 15nçe ğasırnıñ axırına qadär – İnk imperiyäse kontrolenä kergänçe däwam (дәвам) itä.