İstanbul turist sanında soñğı 10 yılnıñ rekordın quydı

İstanbul vilayäte mädäniyät häm turizm mödirlege mäğ’lümatlärenä kürä, İstanbulğa 2022nçe yılnıñ 7 aylıq çorında 8 million 514 meñ 806 çit il turistı kilde.

Turist sanı ağımdağı yılnıñ şuşı uq çorında, 15%qa artıp, 9 million 776 meñ 635 buldı.

Uzğan yılnıñ iyül’ ayında 1 million 759 meñ 506 çit il turistı kilgän şähär bıyıl iyül’ ayında 1 million 873 meñ 97 çit il turistın qabul itte.

Bu räweşle iyül’dä kilgän çit il turistı sanı uzğan yılğa qarağanda yaqınça 6%qa arttı.

Rusiyälelär iyül’dä İstanbulğa kilgän 185 meñ 636 turist belän uzğan ayda bulğanı kebek berençe buldı.

Rusiyädän soñ 135 meñ 568 turist belän Germaniya, 135 meñ 96 keşe belän Soğud Ğaräbstanı, 105 meñ 41 keşe belän Amerika Quşma Ştatları, 97 meñ 352 turist belän İran, 69 meñ 263 keşe belän Franśiya, 69 meñ 6 turist belän Angliya, 51 meñ 257 keşe belän Ğıyraq, 45 meñ 854 keşe belän Quveyt, 45 meñ 257 keşe belän İzrail, 44 meñ 273 turist belän Niderland kilä.

İyül’dä 196 ildän turist qabul itkän şähärgä Solomon utrawları (утраулары), Tön’yaq Koreya häm Papua Yaña Gvineyadan bereşär, Laos häm Könçığış Timordan 2 keşe kilde.