Hatayda 3 meñ 800 yıllıq "şähär satu kileşüe” tabıldı

Şähärdä zur cimerügä säbäp bulğan Kahramanmaraş êpiśentrlı 6nçı fevral’däge cirteträw afäte urta häm soñğı bronza çorındağı Mukiş patşalığınıñ başqalası Alalahnıñ urnaşuı bilgelängän Räyhanlı ilçäsendäge qalqulıqqa da täêsir itte.

Cirteträwdän soñ zıyan kilgän saray divarları qaldıqlarınıñ qayber öleşlärendä başlatılğan tözekländerü häm saqlaw êşläre waqıtında qaldıqlarnıñ arasında çöy yazulı borınğı balçıq plitäse tabıldı.

Akkad telendäge plitädä ütkärelgän berençe tikşerenü näticäsendä Alalahnıñ belengän berençe patşası Yarim-Limneñ başqa ber şähärne satıp alu öçen tözegän kileşü turında mäğlümatlär bilgelände.

3 meñ 800 yıl êlekkegä qarağan häm formasınıñ nıq buluı belderelgän plitä östendä kileşü şahitläreneñ isemnäre dä yazılğan.