Kapadokiyağa kilgän turist sanı
Türkiyäneñ (Төркиянең) möhim turizm üzäklärennän Kapadokiya töbägendäge muzeylarda häm xärabälärdä bıyıl 7 ayda 2 millionnan kübräk turist bulğan
Nävşähir vilayäte idaräsennän yasalğan belderügä kürä, YUNESKO (BMO mäğarif, belem häm mädäniyät) oyışmasınıñ Dönya miras isemlegenä kertelgän Kapadokiyadağı muzeylar häm xärabälär ildän häm çit ildän turistlarnı qabul itä.
Päri morcaları häm tabiğıy qıya şäkelläre, tarixi, tabiğıy häm mädäni baylıqları belän iğ’tibarnı cälep itüçe Kapadokiyada ğıynwar-iyül’ aylarında 2 million 356 meñ 49 keşe bulıp kitkän.
Bu barışta 1 million 4 meñ 666 keşe belän Görämä açıq mäydan muzeyı isemlekneñ başında bulsa, ikençe urında 943 meñ 669 keşe belän Zälvä xärabälär urını, öçençe urında 502 meñ 137 turist belän Kaymaklı cirastı şähäre tora.
Töbäktäge muzeylarğa häm xärabälärgä uzğan yılnıñ şuşı uq çorında 1 million 892 meñ 112, 2021nçe yılnıñ şuşı uq çorında isä 854 meñ 449 cirle häm çit il turistı kilgän ide.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä
