Türkiyädä 8 ilçä "tınıç şähär" namzäte isemlegendä

İtalianca “citta” (sitta) häm inglizçä “slow” (äkren) süzlärennän yasalğan, “tınıç şähär” mäğ’näsenä turı kilgän häm “Slow Food: äkren aşaw” xäräkäten şähär mäydanına kiñäytü maqsatınnan çığıp 1999nçı yılda İtaliyada başlatılğan “cittaslow xäräkäte” yäşäwdän läzzätlänerlek tizlektä yäşäwne häm yäşäw sıyfatın kütärüne yaqlıy.

Monıñ da şähärneñ original’ qorılışın, miğ’marisen (arxitekturasın), ğoref-ğadätlären, cirle rizıqların häm tarixi üzençälegen saqlaw belän mömkin bulaçağı küzallana.

Hawa häm su çistalığı, küreneş kerlelegeneñ häm transport şaw-şuınıñ azaytıluı, näticäle velosiped yullarınıñ buldırıluı kebek ölkälärdän torğan êkologiya, asqorma, şähär tormışı sıyfatı, sośial’ ahäñ häm qunaqçıllıq kebek başçalar astında cıyılğan kriteriylärne üti alğan şähärlär “Tınıç şähär” isemlegenä kertelä.

Xalıqara Cittaslow Berlegeneñ “Tınıç şähär” isemlegenä Türkiyädän 22 ilçä kertelgän.

Türkiyä çeltäre 2009nçı yılda İzmirneñ Säfärihisar ilçäseneñ Cittaslow cämğıyätenä quşıluı belän başlandı. 

İsemlektä İzmirneñ Säfärihisar häm Foça, Muğlanıñ Aqyaka häm Köycäğiz, Ispartanıñ Äğirdir häm Yalvaç, Bolunıñ Göynük häm Mudurnu, Bitlisneñ Ahlat, Malat’yanıñ Arapgir, Antaliyanıñ Finikä, Sinopnıñ Gärzä, Çanakkaläneñ Gökçäada, Änkaranıñ Güdül, Şanlıurfanıñ Halfäti, Bursanıñ İznik, Ärzincannıñ Kämaliyä, Ordunıñ Pärşämbä, Artvinnıñ Şavşat, Ärzurumnıñ Uzundärä, Kırklarälineñ Vizä häm Aydınnıñ Yänipazar ilçäläre bar.

İsemlekkä kertelüe öçen möräcäğäte yasalğan häm bäyäläw barışı däwam itkän ilçälär isä: Kastamonuğa bäyle Daday, Qarabükneñ Äflani, Aqsaraynıñ Güzälyurt, Samsunnıñ Yakakent, Çanakkaläneñ Bayramiç, İskeşähärneñ Sivrihisar, Täkirdağnıñ Şarköy häm Biläcikneñ Osmanäli.

İlçä: Türkiyädä administrativ berämlek

Namzät: kandidat