Van Gog muzeyında törek sänğat'çeneñ äsäre

Niderlandta yäşäwçe törek sänğat’çe Äxmät Ämin Batmannıñ cir teträw temalı videoinstallyaśiyä äsäre ilneñ böten dön’yağa tanılğan Van Gog muzeyında küzgäzmägä quyıldı.

Muzey här aynıñ soñğı comğasında yäş’ sänğat’çelärne tanıtu häm äsärlären tamaşaçılarğa täq’dim itü maqsatınnan “Vinsent comğası” dip ataluçı çara oyıştıra. Amsterdamda yäşäwçe 23 yäş’lek Batman da anda qatnaştı. Törek sänğat’çeseneñ “Memento Diem” äsärenä töp êkranda urın birelde.  Älege êşe turında Batman üze bolay dip söyli: “Memento diem – tormışnı bäyräm itü häm ülemne xäterläw turındağı videoinstallyaśiyä. Ul yazu sänğaten, fil’mnı häm fotografiyäne qullanıp tudırğan äsärem”.

Batman bu êşen zur cir teträwdän soñ yasawın äytä. “Maqsatım – keşelärne yäşäw belän ülem arasında qayda toruları, qayda nindi poziśiyädä ikänlekläre turında uylanırğa mäcbür itü,”-di ul.  

Çarada yaqınça meñ keşe qatnaştı. Alar 4 säğat’ buyı törle mäydannardağı sänğat’ äsärlären ber urında qaradı.