Qaberdän qılıç çıqtı

Germaniyäneñ Bav’yera cirlege Donau-Ris rayonındağı qazınularda arxeologlar bronza çorına qarawçı qılıç taptı. Ul monnan 3 meñ yıl êlek êşlängän häm äle haman yaltırap tora diyärlek. Qılıçnıñ sigezpoçmaqlı sabı tulısınça bronzadan yasalğan.

Bav’yera töbäge häykällären saqlaw idaräsennän belderülärençä, tabıldıq Nördlingen şähärendäge qazınularda çığa. Qılıç ber ir-at, ber xatın-qız häm ber yäşüsmer öste-östenä kümelgän qaberlektä bula. Anda başqa üle büläkläre dä çığarıla. Ber ük qabergä kümelgän 3 keşeneñ tuğanlıq bäyläneşläre turında bilgele tügel.

Sigezpoçmaqlı qılıçlarnı yasaw bik mäşäqat’le häm anda bärgän êzlär oçramıy. Şulay da älege tabıldıqnıñ çın qoral bularaq qullanıluın uylıylar.

Bav’yera sänğat’ äsärlären saqlaw cawaplısı, professor Matias Pfayl qılıçnıñ bu räweşle xäzergä qadär saqlanuınıñ ğadättän tış oçraq ikänlegenä iğ’tibarnı cälep itä. “Mondıy açışlar bik siräk,”-di ul.