“TRT”neñ “Tabii” xalıqara sanlı platforması tanıtıldı

Tanıtu çarasında Türkiyä ilbaşı idaräseneñ êlemtä başlığı Fahrettin Altun, TRT Ğomum mödire Zahid Sobacı, “Anadolu” agentlığı ğomum mödire Särdar Qaragöz häm “Anadolu” agentlığı ğomum mödir urınbasarı Yusuf Özhan belän bergä küp sanda sänğät, kino, säyäsät, sport, êş häm reklama dönyasınıñ tanılğan şäxesläre qatnaştı.

Çarada çığış yasawçı İlbaşı idaräse êlemtä başlığı Fahrettin Altun: "TRT sanlı platforması global’ ölkädä bik citdi aktyor bularaq köndäşlek itäçäk,” – dip äytte.

TRT sanlı platformasınıñ 5 teldä êşçänlegenä başlawın iskärtep uzuçı Altun platformanıñ yaña tellär belän dä däwam itäçägenä ışanuın belderde.

Altun, monnan arı global’ ölkädä barı tik qullanuçı tügel, citeşterüçe wazğıyättä bulularına häm monı mädäni ölkädä dä anıq itep bilgele itülärenä basım yasap:

"Bezne berläşterüçe xikäyälär belän böten dönyağa möräcäğät itäbez. Min bu proyıktnıñ Cömhüriyätebezneñ 100 yıllığına, Türkiyä ğasırına bik kileşüen uylıym,” – dide.

Çarada çığış yasawçı TRT Ğomum mödire Sobacı da, TRT bularaq xalıqara sanlı platforma öçen ozaq waqıttan birle bik tırışıp êşläwlären citkerep:

"Śifrlı ölkädä tağın da ğadel dönya mömkin şiğare belän yulğa çığıp bez qamilläştergän sanlı platforma ilebezneñ xalıqara arenada yaña brend buluı öçen bügen global’ säyäxätneñ berençe adımın yasıy,” – dip äytte.

TRTneñ Türkiyäneñ işetü häm kürü xäteren barlıqqa kiterüe cähätennän xäter buluına iğ’tibarnı yünältüçe Sobacı bolay dip iskärtep uzdı:

"Bügen kilep citelgän torışta tawışıbız 18 televideniye, 17 radio kanalı, 7 xalıqara sanlı xäbär platforması, küp sanda quşımta, milli häm xalıqara däräcädä distälägän çara belän 41 teldä häm şiwädä dönyanıñ 7 qıytğasında yañğırıy. TRT şuşı könnärgä qamilläşep, üsep kilep citte. Härwaqıt çornıñ zaruriyätlären häm xasil bulğan potenśiallarnı qullanıp xäräkät itüne nigez bularaq qabul itte."

Sobacı bolay dip däwam itte:

"Dön’yadağı ğailä êçtälekle materiallarnı qanäğätländeräçäk prioritetlı dairä bulaçaqbız. Fil’m häm seriallarıbız belän bergä balalarıbız öçen ör-yaña animaśiya materialları belän bezgä ışanuçı ğailälärebezneñ yaña sanlı öyınä äylänäçäk. TRT xalıqara sanlı platforması berençe êtapta törek, ingliz, ispan, urdu häm ğaräp telle êçtälekle bulaçaq. 30 yaña produkt häm 184 bülek belän açılış êtabında iñ bay original’ êçtälekkä iyä platforma däräcäsen yörtäçäk. Yaxşı proyıktlarıbız belän bergä TRTneñ yaratılğan materialları da bulaçaq platformabız ilebezdä 7nçe mayda tamaşaçılarıbız belän oçraşaçaq."

Sobacı TRTneñ xalıqara sanlı platforması "Tabii"gä "www.tabii.com" adresınnan kerep bulaçağın häm berençe êtapta Türkiyädäge qullanuçılar öçen buşlay bulaçağın citkerde.

Original’ êçtälekläre belän qızıqsınuçılarğa täq’dim iteläçäk xalıqara sanlı platformada akśionnan komediyağa, tarixi dramadan animaśiyağa qadär bik küp material bulaçaq.