Freddi Merk'yurinıñ şäxsi äyberläre satuğa çığa

Böten dön’yada tanılğan rok törkeme “Kuin”nıñ solistı Freddi Merk'yurinıñ şäxsi äyberläre kergän kollekśiyä aukśionğa çığarıla. Sänğat’çeneñ êlekkege dustı häm varisı Mêri Ostin BBCğa interv’yu birde. Ul tanılğan cırçınıñ 30 yıl êçendä 1500gä yaqın qıymmätle äyber cuyuın häm alarnıñ Merk'yurinıñ Londondağı öyendä saqlanuın citkerde.

Ostin satularnıñ Londondağı Sotbis aukśion yortında uzaçağın, annan yaqınça 6 million funt sterling (145 million lira) kerem kötelüen häm anıñ ber öleşeneñ xäyriyäçe oyışmalarğa tapşırılaçağın belderde.

Satuğa çığarıla torğan äyberlär arasında Merk'yurinıñ quldan yazılğan cır süzläre, säxnä kostyumnarı, muzıka qoralları häm tanılğan şäxeslärneñ äsärläre bar.

Freddi Merk'yuri Tanzaniyäneñ Zanzibar utrawında 1946nçı yılda dön’yağa kilä häm çın iseme Farux Bulsara bula. 17 yäşendä ul ğailäse belän Angliyägä küçenä.

Merk'yuri “Kuin” rok törkemen 1970nçe yıllarda qora häm anıñ belän bergä 15 studiyä al’bomı yazdıra.

“Kuin” dön’ya külämendä 300 millionnan artıq al’bom sata. Ul 1991nçe yılda Merk'yurinıñ wafatınnan soñ tarqala.