Fäyzullah Aktürk - Awrupa çempionı
Milli köräşçe Awrupa köräş çempionatında altın medal’ yawladı
1977431
Türkiyäneñ milli sportçısı Fäyzullah Aktürk Xorvatiyädä uzğan Awrupa köräş çempionatında altın medal’ yawladı.
Ul 92 kilogramm awırlıqta köç sınaşıp saylap alu turında Moldovadan Andrian Grosulnı ciñde, çirek finalda Ukrainadan İlliya Arçayanı da ciñügä ireşep yarım finalğa çıqtı.
Yarım finalda Gruziyädän Miriani Maisuradzenı texnik östenlek belän otıp altın medal’ matçı xoquqı qazandı.
Fäyzullah Aktürk finalda Azärbaycannan kilgän Osman Nurmagomedov belän oçraştı. Ul köndäşen ciñep altın medal’ aldı häm ikençe tapqır Awrupa çempionı buldı.