Djordannıñ ayaq kiyeme rekord bäyägä satılğan
"Sotbis" tanılğan basketbolçınıñ sport ayaq kiyemen sattı
Tanılğan basketbolçı Maykl Djordannıñ sport ayaq kiyeme aukŝionda 2 million 200 meñ dollarlık rekord bäyägä satıldı.
Sotbis aukŝion yortı 2 belän 4 million arasında satarğa çamalağan ayaq kiyeme Djordannıñ aukŝionda satılğan iñ qıybat äyberläre arasında urın aldı.
Ayaq kiyemen 2 million 200 meñ dollarğa alğannar.
Djordannıñ monnan alda satılğan ayaq kiyemnärendä rekord bäyä 1 million 470 meñ ide.
Basketboçı 1998dä NBA finallarında kigän ber forma isä uzğan yılnı 10 million 100 meñ dollarğa satılğan ide.
6 tapqır NBA çempionı bulğan, 2 olimpiadada altın medal’ alğan häm başqa küp kenä büläk iyäse bulğan Maykl Djordan iñ yaxşı sportçılardan berse bulıp tora.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä