İstanbulnıñ yaña simvolına kilüçelär sanı

İstanbulnıñ yaña simvolına äylängän Çamlıca manarasın açılğan könnän birle 1 millionnan artıq keşe kilep kürde.

Transport häm asqorıma ministrı Adil Karaismailoğlu yazma açıqlaw yasap, Törkiyä ilbaşı Räcäp Tayyip Ärdoğan tarafınnan 2021 yılnıñ 29 mayında açılğan Çamlıca manarasınıñ şul uq yılnıñ 1 iyun’ könne üz işeklären açuın belderde.

Koronavirus kizüenä qaramastan manaranıñ kilüçelärne üzenä cälep itüen açıqlağan ministr bolay dide: “Açılğan könnän başlap kilgän keşe sanı 1 million 36 586 buldı. Dön’yanıñ iñ matur şähärlärennän berse bulğan İstanbulğa biredän küz salu onıtılmıy torğan mizgel bulıp tora.”

Çamlıca manarasınıñ şähärneñ iqtisadı häm turizmına da öleş kertüen häm simbolğa äylänüen assızıqlağan ministr Karaismailoğlu tübändägeçä däwam itte: “Manaranıñ biyeklege – 369 metr, diñgezdän 587 metr biyektä. Bu üzençälege belän ul Awrupanıñ iñ biyek manarası bulıp tora. Çamlıca manarasına çit il turistlarınnan da qızıqsınu zur. Şulay uq manarada 17 televideniye häm 100 radio kanalı bar. Bu san belän manara dön’yada berençe urında. 33 iske antennanıñ yuqqa çığarıluı belän êlektromagnetik pıçranu da azaytıldı.”