Ğıynwar ayında Türkiyägä kilgän turist sanı

Türkiyä mädäniyät häm turizm ministrlığı 2023nçe yılnıñ ğıynwar ayındağı ilgä kerü-çığu mäğ’lümatläre belän urtaqlaştı.

İminlek ğomum mödirlegennän alınğan waqıtlı mäğ’lümatlärgä kürä, 2023nçe yılnıñ ğıynwar ayında çit il turistı sanı uzğan yılnıñ şuşı uq ayına qarağanda 56,51% artu belän 2 million 5 meñ 967 buldı.

2023nçe yılnıñ ğıynwar ayında Türkiyägä iñ küp turist cibärgän illär isemlegendä Rusiyä Federaśiyäse 13,95% belän berençe urında.

Rusiyädän soñ 8,33% belän Bolgariya häm 6,98% belän Germaniya kilä.

Ğıynwar ayında Türkiyägä kilgän çit il keşeläreneñ iñ küp kergän çik buyı qapqaları bäyle bulğan vilayätlär isemlegendä İstanbul, Ädirnä häm Antaliya berençe öçlektä urın aldı.

Bu çorda İstanbulğa 1 million 189 meñ turist, Ädirnägä 242 meñ 615 turist, Antaliyağa isä 183 meñ 338 turist kilgän.