"Maqsatıbız - bıyıl 1 million keşegä törek telen öyrätü"

Yunıs Ämrä institutı başlığı Şäräf Ateş Türkiyä Cömhüriyäte tözelüneñ 100 yıllığı bilgeläp üteläçäk 2023 nçe yıla dön’yada 1 million keşegä törek telen öyrätüne maqsat itep quyuların äytte.

Ul “Anadolu” agentlığına interv’yusında Kovid-19 täêsirläreneñ uzğan yıl böten dön’yada kimi başlawın häm 2022 nçe yılnıñ ikençe yartısınnan birle dön’yanıñ törle poçmaqlarınnan küp taläplär aluların belderde.

Şäräf Ateş bilgeläp uzğança, Yunıs Ämrä institutların açu üteneçe Latin Amerikasınnan Yıraq Könçığışqa qadär barlıq geografiyälärdä räsmi söyläşülärdä, ike yaqlı oçraşularda yäki tışqı êşlär ministrlığı aşa alınğan.

Ateş uzğan yılnıñ ikençe yartısında 250 meñnän artıq keşeneñ törek telen öyränüen iskärtte.

Şäräf Ateş qayber illärdä başlangıç, urta mäktäplärdä häm liśeylarda “Min törek telen saylıym” proyektın tormışqa aşıruların häm bu proyekt belän törek teleneñ fakul’tativ däres isemlegenä kertelüen añlattı.

5 qıytğada 85 üzäktä êşçänlek başqarıluın belderüçe Ateş Türkiyä Cömhüriyäte tözelüneñ 100 yıllığı bilgeläp üteläçäk 2023 nçe yılda mädäni üzäklär sanın 100 gä citkerergä teläwlären äytte.

Ul fevral’ ayında Ğıyraq başqalası Bagdatta êşli başlayaçaqları turında da citkerde.

“2023 nçe yıl öçen xäzerge maqsatıbız – 1 milion keşegä törek telen öyrätügä ireşü, bik küp illärdäge mäktäplärdä “Min törek telen saylıym” proyektı belän 1 million keşegä ireşü häm 100 mädäni üzäk buldıru” dide Yunıs Ämrä institutı başlığı Şäräf Ateş.