Kärim Benzema kar'yerasına noqta quya

Kärim Benzema Franśiyä cıyılma komandasındağı kar’yerasına noqta quyuın belderde. 2022nçe yılda “Altın tup”qa iyä bulğan yoldız futbolçı travması arqasında bıyılğı Dön’ya kubogında qatnaşa almadı.

Benzema sośial’ mediada belderü yasadı. “Bügen torğan urınıma ireşü öçen küp tırıştım, xatalar yasadım. Monıñ belän ğorurlanam. Min üz xikäyämne yazdım häm ul tögällände” dide futbolçı.  

Benzema Franśiyä cıyılması forması kiyep 97 matçta 37 tup kertte häm 2021nçe yılda UEFA Millätlär Ligasında ciñü yawladı.