Ronaldo: "Dön'ya Kubogında iñ yaxşısı - Mbappe"

Braziliyäneñ legendar futbolçısı Ronaldo Nazario 2022nçe yılğı FİFA Dön’ya kuboğında Franśiyä yoldızı Kilian Mbappenıñ turnirdağı iñ yaxşı uyınçı itep saylanaçağına ışanuın äytte. Ul Angliyä matbuğatına interv’yusında Mbappenıñ 5 tup kertep çempionatnıñ iñ yaxşı golçısı buluın maqtap telgä aldı. “Anıñ niqadär tiz häm şäp buluın küräbez. Stile üzemneñ uynağan çordağı xälemne xäterlätä. Sälätlären niçek qullanaçağın yaxşı belä. Başqa futbolçılardan tağın da tizräk häm östenlegen gol yäisä näticäle tapşırularğa äwerelderä ala,”-dip söyli Ronaldo.

46 yäş’lek êlekkege yoldız Kubokta çempionlıqqa kandidatnıñ Franśiyä buluın assızıqlıy. Ä menä braziliyäle futbolçı Neymarnıñ cıyılma komandadan çığaçağı turındağı süzläreneñ ul matç axırındağı kiçereşlär arqasında ğına äytelüen uylıy. “Minemçä, Neymar matç axırında bik zur töşenkelek kiçerde. Tik bu xalättän nığıp çığaçağına häm cıyılma komanda formasın kiyüen däwam itäçägenä ışanam. Äle ul yäş’, 30 yäşendä. Monnan soñğı Dön’ya kubogında räxätlänep uynıy ala,”-dip söyläde Ronaldo Nazario.