Dara borınğı qalasında velosiped yarışı
"Pedal’lär śivilizaśiyälärneñ bişege Mardinda” şiğare belän oyıştırılğan 1nçe Mardin Dara borınğı qalası MTB Cup XCO taw velosipedi çempionatınıñ ikençe êtabı Dara borınğı qalasında ütkärelde
Mardin vilayäte idaräseneñ ximayäsendä Mardin şähär xakimiyäte belän Türkiyä velosiped federaśiyäse tarafınnan "Pedal’lär śivilizaśiyälärneñ bişege Mardindä" şiğare belän oyıştırılğan 1nçe Mardin Dara borınğı qalası MTB Cup XCO taw velosipedı çempionatında 25e xatın-qız cämğıse 150 sportçı qatlawlı häm kirtäle yulda 12 törle êtapta yarıştı.
Yaqınça 3 meñ 600 metrlıq yarış yulında här velosipedçı tur sannarına qarap yaqınça 25 çaqrımlıq yul uzdı.
Çarada zur xatın-qızlar arasında Ayşä Çakır Şäkär, zur irlär arasında isä Ömär Cumhur Boyraz berençe buldı.
Dara borınğı qalasında oyıştırılğan büläk tapşıru tantanasında Türkiyä velosiped federaśiyäse başlığı Ämin Müftüoğlu, Şähär xakimiyäte ğomum särkätibe Murat Süzän häm vilayä protokolı däräcägä kergän sportçılarğa prizların birde.
Türkiyä velosiped federaśiyäse räistäşe Mäxmät Samsa, taw velosipedı yarışlarınıñ dönyada barı tik qayber vilayätlärdä ütkärelüen häm Mardinnıñ da şuşı vilayätlärdän berse buluın belderep:
"Bu yarışmabıznıñ maqsatı Mardinnı, Daranı tağın da yaxşıraq tanu. Xalıqara plan-kalendarğa isemebezne yazdırdıq. Monnan soñğı yılda xalıqara däräcädä uzdıralaçaq. Awrupadan häm dönya illärennän biredä küp sanda velosipedçı qatnaşaçaq”, - dip äytte.
