Şakirağa 8 yıl törmä yanıy

İspaniyada tanılğan cırçı Şakirağa, salım yäşerüdä ğayepläp, 8 yıldan artıq törmä cäzası bilgeläw taläp itelde.

“La Prensa Latina” basmasında urın alğan xäbärgä qarağanda, Kolumbiyä sänğat’çeseneñ 2012nçe-2014nçe yıollarda 14 million yarım yevro külämendä salım yäşerüe uylanıla. Monıñ öçen 8 yıl 2 ay törmä cäzası qaralğan.  

Şakirä üzenä täq’dim itelgän kileşüne kire qağtı. Kiläse mäxkämä utırşında prokuror irektän märxüm itüdän tış 23 million yevrodan artıq ştraf bilgeläwne dä sorayaçaq.

Şakira kiçä kileşügä baru urınına ğayepsez buluın isbatlaw öçen mäxkämägä çığarğa qarar qıluın xäbär itte.

Cırçı 2012nçe-2014nçe yıllarda İspaniyädä yäşägändä alğan keremen başqa däwlätlärdä yäşerep 14 million yarım dollar külämendäge salımnan qaçu ğayepläwlären kire qaqtı. May ayında Barselona mäxkämäse anıñ bu kire qağuına qarşı kilep 6 törle ğayepläw buyınça xökem iteläçägen citkerde.

Küptän tügel Şakirä Barselona futbolçısı Jerar Pike belän 11 yıllıq mönäsäbätlären özülären belderde. Alarnıñ 2 balası bar.