Törki dön’yanıñ Ata-babalar sport festivale başlandı

Bursa Şӓhӓr xaqimiyӓte tarafınnan bıyıl 5nçese oyıştırılğan Törki dön’yanıñ Ata-babalar sport festivale Keles rayonındağı Kocayaylada başlandı.

Bötendön’ya êtnosport konfederaśiyase başlığı Bilal Ӓrdoğan porgrammada çığış yasap, Törki dön’yanıñ ênergiyasen berlӓşterüneñ möhim buluın citkerde.

Bilal Ӓrdoğan Törki dön’yanıñ bu rӓweşle yaqınayuınıñ köç berlege barlıqqa kiterüen belderde.

“4nçe Bötendön’ya küçmӓ uyınnarı 29 sentӓbr’ – 2 oktӓbr’ könnӓrendӓ İznik rayonında uzaçaq. Uyınnarda tradiśion sport törlӓren kürӓçӓkbez hӓm 100dӓn artıq ildӓn sportçılar qatnaşaçaq. Yӓnӓ ozaqlamıy 26 avgustta Ahlatta, Malazgirtta bulaçaqbız. Törki dön’yanıñ Anadolunı watan itüeneñ yıllığında Ahlatta tradiśion sportlarnı xalqıbız belӓn urtaqlaşaçabız,” – dide ul.

Annarı Bilal Ӓrdoğan festival’ mӓydanında atlı uqçılıq hӓm körӓş turnirların qarap, üze dӓ uq attı. Ӓrdoğan ayıruça mӓydanda qorılğan çatırlar yanına bardı, çaralar turında mӓğlümat aldı.