Camala Törkiyädä konśert quydı
Qırımtatar cırçısı Ukrainadan kilgän balalar öçen populyar cırların başqardı
1850247
Qırımtatar cırçısı Camala (Susana Camaladinova ) Törkiyädä Ukrainadan kilgän balalar öçen konśert quydı.
Sıyınuçılar häm möhacirlär belän yärdämläşü cämğıyäte häm Suğışsız balaçaq proyektı xezmättäşlegendä Antaliya açıq hawa teatrında uzğan konśert aldınnan Ukraina balaları biyü tamaşası täq’dim ittelär.
2016 nçı yılğı Yevrovideniye cir bäygese ciñüçese Camala säxnädä üzeneñ populyar cırların başqardı.
Konśertqa Ukrainanıñ Antaliyadağı konsulı Ämir Röstämov, Suğışsız balaçaq proyektına nigez saluçı Ruslan Şostak, Sıyınuçılar häm möhacirlär belän yärdämläşü cämğıyäte ğomum koordinatorı İbrahim Vurgun Kavlak, küp sanda ukrainalı häm törek tamaşaçılar kilde.
