Êtnosport mädäniyät festivale tämamlandı

İstanbul Atatörek hawa mäydanında oyıştırılğan häm 4 kön däwam itkän çaranıñ yomğaqlaw tantanasında Bötendönya êtnosport konfederaśiyäse başlığı Bilal Ärdoğan häm idarä şurası äğ’zaläre belän küp sanda qunaq qatnaştı.

Bilal Ärdoğan tantanada yasağan belderüendä:

"Yöz meñlägän keşegä işeklären açqan, 7dän 70kä härkem üz mädäniyätenä häm dönyanıñ här cirenä qağılışlı äyberlär tapqan festivalneñ barıbızda onıtılmas êzlär häm xatirälär qaldıruına ışanabız”, - dip äytte.

Festivalneñ qatnaşuçılarnıñ dulqınlanuın çağıldıruınıñ möhimlegenä iğ’tibarnı yünältüçe Ärdoğan:

"Atqa utırğan balalarıbıznıñ yözendäge bäxet häm dulqınlanu bäyäläp betergesez ide. Uqlarnı atqan çaqta maqsatlarına yünälgän yäş’lärebezneñ iğ’tibarın kürü iskitkeç ide. Sport, sänğät häm mädäniyät ölkäsendä êşçänlegen alıp baruçı qunaqlarıbıznıñ yärdäme belän bez äyterseñ dönya buylap säyäxät ittek. Dön’ya aş-suların festivalebezgä alıp kiterdek. Ğoref-ğadätlärebezneñ berläşterüçe köçe belän bergä bulunıñ xozurın xis ittek. Azärbaycannan kilgän Qarabax atlı tamaşa törkemen tamaşaçılarıbıznıñ niçek itep yaratıp qarawın kürdek”, - dip belderde.

Bötendönya êtnosport konfederaśiyäse bularaq aldıbızdağı yıllarda tağın da matur festivallär uzdıraçaqlarına basım yasawçı Bilal Ärdoğan: “Monnan soñğı festivalebez 4nçe Bötendönya küçmä uyınnarı. 29nçı sentyabr’-2nçe üktäbr’ könnärendä İzniktä tradiśion sportlarğa iğ’tibar itüçe zur çaranı täq’dim itäçäkbez”, - dide.

Çarada 4 kön däwam itkän yarışlarda ciñüçelärgä büläklär häm sertifikatlar tapşırıldı.