TRT Xalıqara metaverse häm tapşırular forumı
İlbaşı idaräse êlemtä başlığı Fahrettin Altun, terror oyışmalarınıñ sośial’ mediada tıyılmıyça propaganda yasıy aluın belderep: "Törkiyä kebek ber köçneñ böten mömkinlekläre belän “metaverse”neñ tözü barışının öleşe buluı zarurlığına ışanabız”, - dide.
TRT Törkiyä teleradiokompaniyası oyıştırğan "TRT Xalıqara metaverse häm tapşırular forumı" UNİQ İstanbulda başlandı.
Forumnıñ açış çığışın yasawçı Altun: "Sośial’ media platformlarınıñ bügenge xälatenä qarağan çaqta, bolarnıñ dönyağa terätkän faşizmnı böten keşelekkä “demokrastiya” iseme astında täq’dim itüen kürgän çaqta, älbättä, citdi risk aldında toruıbıznı belderäbez.
Terror oyışmaları bernindi tıyusız propaganda yasağan şuşı moxitta üzlärenä oşamağan tawışlarnı niçek özülären bik yaxşı beläbez.
Näq’ menä şuşı säbäplär belän Törkiyä kebek üzennän tağın da zurraq küñel geografiyasın wäkillek itkän köçneñ böten mömkinlekläre belän “metaverse”neñ tözelü barışının öleşe buluı zarurlığına ışanabız”, - dip äytte.
Forumda qatnaşqan TRT Ğomum mödire Mäxmät Zahid Sobacı da yasağan çığışında:
"TRTneñ “metaverse”dä alğı saflarda urın aluı häm şuşı dairälärdä iñ köçle matbuğat oyışmalarınnan berse buluı maqsatınnan çığıp Törkiyäneñ häm dönyanıñ aldınğı “metaverse” dizayn häm texnologiya şirkätläre belän xezmättäşlek urnaştırıp, proyıktlaw häm texnologik asqorma êşçänlegenä başladıq", - dide.
Forumda törek häm çit il qunaqları qatnaşında ““Metaverse”ne dizaynlaw", "Keşelek 2.0: Çiratta ni bar? “Metaverse” bezgä närsä wäğdä itä? Keşelekne närsä kötä?", "“Metaverse”dä uyınnar häm “start-up”lar öçen forsatlar", "“Metaverse”dä media, sänğät, moda häm mäğarif" temalı panel’lär ütkäreläçäk.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı
