Däw kruiz köymäse 4 meň 281 yulçısı belän Kuşadasına kilde

Ägäy portına kilep tuqtağan 347 metr ozınlığındağı lyuks turistik yulçı köymäsennän yulçılar belän bergä 1800 keşelek êkipaj töşte.

Turistlarnıň kübese Äfäs borınğı qalasına häm Mär’yäm ana yortına baru öçen avtobuslarğa utırdı.

Uzğan yıl diňgezgä cibärelgän “Royal Carriabean Cruise Lines”qa bäyle “Odyssey of the Seas”ta yulçılar öçen 14 paluba, 15 restoran, 2 basseyn häm 2 meň 105 kabinanıň buluı belderelde.

Ägäy portı Kuşadası ğomum mödire häm “Global Ports Holding” Könçığış Urta diňgez töbäge direktorı Aziz Güngör “Odyssey of the Seas”nıň bügengä çaqlı Törkiyägä kilgän iň zur yulçı köymäse buluın äytte.

Köymäneň bıyıl Kuşadasına 16 säfär yasawnı planlaştıruın belderüçe Güngör: "Ägäy portı Kuşadası bularaq sezon buyı dönyanıň iň zur köymälären qabul itärgä däwam itäçäkbez. Meňnärçä yulçı taşuçı dönyanıň şuşı iň zur köymälären qabul itü – Urta diňgezneň iň möhim kruiz köymäläre marşrutlarınnan berse bulğan ilebezgä häm Kuşadasına bulğan zur qızıqsınunıň iň açıq kürsätkeçe”, - dip äytte.

Aziz Güngör “Odyssey of the Seas” belän ber rättän "Regal Princess" häm "S.S Voyager" isemle yulçı köymälären portta qabul itülären häm 10 meňgä yaqın yulçınıň bügen Kuşadasına kilüen belderde.