İranlı turistlar Vanğa ağıla

Näwrüz bäyräme yalların Törkiyädä uzdırırğa telägän şaqtıy İranlı Van şähären sayladı.

13 könlek yal öçen Törkiyäne saylağan turistlar Vannıñ Saray rayonındağı Kapıköy çik buyı qapqasınnan ilgä kerä.

Qunaqxanälär tulıp taşqan Vanda İranlı turistlar köndez şähärneñ turistik urınnarın gizä, kiçke sägät’lärdä dä äyberlär alıp, küñel açu urınnarında waqıt uzdıra.

Küpçelek tekstil’, kosmetika, bizänü äyberläre, ayaq kiyeme aluçı turistlar ayıruça borınğa operaŝiya yasatu häm çäç küçerep utırtu öçen dä Vannı saylıy.

Turistlarnıñ şähärdä qalu waqıtın ozınaytu maqsatı belän Van vilayät’ idaräse häm mêriyase citäkçelegendä, ictimağıy oyışmalar häm keçe säwdägärlärneñ yärdäme belän här yıl 15-29nçı mart könnärendä “Van säwdä festivale” oyıştırıla.

İranlılar yaqtırtılğan prospektlarda äyberlär satıp alırğa yarata.

Näwrüz bäyräme yallarında xäzergä qadär 21 meñ tiräse İranlı turist Vanğa kilde.

Ay azağına qadär bu sannıñ 70 meñgä citäçäge uylanıla.