Anadolu agentlığınıñ fotoları matbuğatta simvol buldı

Anadolu agentlığınıñ suğışta yaralanğan ukrainalı Olena Kurilo sürätlängän fotosı xalıqara matbuğatta çıqtı. Gazetlar xärbi intervenśiyäneñ masştabın häm tınıç xalıqnıñ xälen bu fotoräsem belän kürsätte.

Anadolu agentlığınıñ xäbärçese Vol’fgang Şvan Rusiyäneñ Ukraina könçığışın bombalawı waqıtında yaralanğan tınıç xalıqnı töşerde. Alar arasında utqa totuda zarar kürgän uqıtuçı Kurilonıñ fotosı dön’yada kiñ yañğıräşqa iyä buldı.

Angliyäneñ “The Guardian”, “The Times”, “The Sun”, “Independent” häm Germaniyäneñ “Bild” matbuğat çaraların da kertep bik küp gazeta älege fotosürätne berençe bitkä çığardı.

Şul uq waqıtta, Amerikanıñ CNN, Angliyäneñ BBC häm başqa bik küp telekanallar üzläreneñ veb xäbär säxifälärendä Anadolu agentlığınıñ fotosın qullandı.